Innsýn í námið
Í náminu öðlast þú þá þekkingu, leikni og hæfni sem sveinum í kjólasaumi og/eða klæðskurði er nauðsynleg.
Sérnámið tekur tvö ár, heildarnámstími að fatatækni meðtaldri eru að jafnaði fjögur ár. Eftir að hafa lokið annað hvort kjólasaumi eða klæðskurði þarf að bæta við einni önn til að ljúka hinni greininni að auki.
Brautarlýsing
Kjólasaumur og klæðskurður
Kjólasaumur er löggilt iðngrein þar sem áhersla er lögð á sérsaum, sniðagerð og aðra fagvinnu sem tengist sköpun og framleiðslu fatnaðar. Sveinar í þessari iðngrein taka að sér sérsaum á ýmsum fatnaði fyrir einstaklinga og hópa. Þeir annast sniðagerð, stærðabreytingar og annan undirbúning fyrir fataframleiðslu. Þeir vinna við hlið fatahönnuða í útfærslum og sniðagerð á fatnaði ásamt saumavinnu. Þá annast þeir búningagerð og starfa með leikmynda- og búningahönnuðum. Sveinn í kjólasaum sérsaumar kvenfatnað og annast viðeigandi vinnu sem því tengist.
Klæðskurður er löggilt iðngrein þar sem áhersla er lögð á sérsaum, sniðagerð og aðra fagvinnu sem tengist sköpun og framleiðslu fatnaðar. Sveinar í þessari iðngrein taka að sér sérsaum á ýmsum fatnaði fyrir einstaklinga og hópa. Þeir annast sniðagerð, stærðabreytingar og annan undirbúning fyrir fataframleiðslu. Þeir vinna við hlið fatahönnuða í útfærslum og sniðagerð á fatnaði ásamt saumavinnu. Þá annast þeir búningagerð og starfa með leikmynda- og búningahönnuðum. Klæðskeri sérsaumar herrafatnað og annast viðeigandi vinnu sem því tengist.
Almennar upplýsingar
Inntökuskilyrði
Til að hefja nám í kjólasaumi eða klæðaskurði þarf að hafa lokið fatatækni.
Námsframvinda
Námið er samtals sjö annir í skóla og vinnustaðanám samkvæmt hæfnikröfum ferilbókar að hámarki 16 vikur. Almennt er miðað við að nemendur hafi lokið starfsþjálfun í síðasta lagi áður en nám hefst í lokaáföngum fagbrautar eða samhliða.
Námsframvinda vinnustaðarnáms miðast við að nemandinn sé búinn að uppfylla að lágmarki 80% af hæfniviðmiðum í ferilbók faggreinar til að innritast í lokaáfanga brautar.
Að loknu námi
Kjólasaumur og klæðskurður eru löggiltar iðngreinar.
Prófskírteini af fagbraut, ásamt því að starfsþjálfun sé lokið, veitir rétt til að sækja um sveinspróf í viðkomandi grein. Sveinspróf veitir rétt til að hefja nám í Meistaraskóla.
Einnig er hægt að ljúka viðbótarnámi til undirbúnings námi á háskólastigi en slíku námi lýkur með stúdentsprófi.
Eftir að hafa lokið námi í klæðskurði/kjólasaum eru spennandi möguleikar í boði til að vinna í sjálfstæðum atvinnurekstri, í störfum með öðrum skapandi og stórhuga sveinum, meisturum eða hönnuðum. Einnig er möguleiki á sérhæfingu ýmiskonar t.d. í tengslum við leikhús og kvikmyndir eða að afla sér viðbótarmenntunar til að fjölga möguleikunum enn frekar.
Verkefni nemenda
Drauma starfsnámið í skosku hálöndunum
Reynsla og einstakt tækifæri
Starfsnám í Skotlandi
Klæðskurður í gamalli borg
Útskriftarsýning klæðskera
Klæðskeranemar halda útskriftarsýningu
Elín Atim á fataiðnbraut
Ferlið við að búa til flík er fjölbreytt
Umsagnir
Birna Sigurjónsdóttir útskrifaðist sem klæðskeri
Kennararnir eru metnaðarfullir og með brennandi áhuga á því sem þeir og nemendur eru að vinna að. Ég mæli klárlega með náminu og sérstaklega fyrir eldri nemendur með reynslu sem vilja dýpka skilning og fá meiri þekkingu í faginu. Með góða grunnþekkingu í faginu getur maður gert flóknari flíkur í náminu og því fengið virkilega mikið út úr því.
Auður Ósk Einarsdóttir lærði klæðskurð
Ég mæli eindregið með fataiðnbrautinni fyrir fólk á öllum aldri sem hefur áhuga á að sérsauma föt. Handavinna var alltaf mitt áhugamál síðan að ég man eftir mér og ég ímyndaði mér ekki að ég gæti lært það sem ég elska og breytt því í starfsferil. Eftir að ég útskrifaðist með sveinspróf í kjólasaum úr Tækniskólanum fór ég í háskólanám í Bretlandi og árið 2021 útskrifaðist ég frá Arts University of Bournemouth með heiðursgráðu í búningagerð fyrir sjónvarp og leikhús. Ég vinn í búningadeildinni í kvikmyndabransanum og elska hvað starfið getur verið fjölbreytt. Það er enginn dagur eins og hvert verkefni er mismunandi. Ég elska líka að sjá það sem ég hef saumað á stóra skjánum og að sjá nafnið sitt í credit listanum er æðisleg tilfinning.
- Ég mæli klárlega með náminu
- Get lært það sem ég elska og breytt því í starfsferil
FAQ
Spurt og svarað
Hvað kostar námið?
Sjá upplýsingar um skólagjöld í gjaldskrá Tækniskólans.
Er námið lánshæft?
Menntasjóður námsmanna veitir allar upplýsingar um lánshæfi náms á menntasjodur.is
Eru efnisgjöld?
Nei, efnisgjöld eru innifalin í skólagjöldum.
Hvenær hefst kennsla?
Sjá upplýsingar í skóladagatali Tækniskólans.
Hvar fer kennslan fram?
Kennslan í kjólasaum og klæðskurði fer fram á Skólavörðuholti.
Nánari upplýsingar um staðsetningu og húsnæði Tækniskólans.
Er mætingarskylda?
Já, hér má sjá nánari reglur um skólasókn í Tækniskólanum.
Get ég tekið stúdentspróf af brautinni?
Nemandi sem er í starfsnámi á framhaldsskólastigi á kost á viðbótarnámi til undirbúnings námi á háskólastigi. Slíku námi lýkur með stúdentsprófi.
Er nemendafélag?
Nánari upplýsingar um félagslíf og nemendafélög Tækniskólans.
Hvernig sæki ég um?
Sótt er um rafrænt og sækja um hnappur er hér á síðunni.