Veikindi – vottorð
Athugið að ekki þarf að hringja í skólann ef nemandi kemst ekki í kennslustund og/eða námsmat vegna veikinda. Veikindi eru skráð í Innu,
Athugið, ef veikindaforföll nemanda fara yfir 10 daga á önn þá þarf nemandi að fara til námsráðgjafa eða skólastjóra.
Nemandi yngri en 18 ára – Forráðamenn skrá veikindi beint inn í Innu. Ef ekki er hægt að skrá veikindi í Innu geta forráðamenn sent veikindatilkynningar á [email protected].
Nemendur, 18 ára og eldri, geta nú tilkynnt hefðbundin veikindi í Innu án þess að leggja fram læknisvottorð.
Athugið að aðeins er hægt að skrá veikindi einn dag fram í tímann, og einungis er hægt að skrá veikindi heilan dag.
Það skal tekið fram að kennurum og öðru starfsfólki Tækniskólans er ekki heimilt að gefa nemendum leyfi í tímum.
Leiðbeiningar til að skrá veikindi
Langvinn veikindi
Nemendum sem eiga við langvinna eða þráláta sjúkdóma að stríða eða verða fyrir áföllum sem hamla skólagöngu þeirra á önninni er bent á að ræða við náms- og starfsráðgjafa.
Íþróttir
Þeir nemendur sem ekki geta stundað íþróttir verða að skila vottorði innan viku frá afhendingu stundaskrár.
Leyfi
Hægt er að sækja um leyfi, gegn staðfestingu frá foreldrum vegna eftirfarandi:
- Æfingar/leitir á vegum björgunarsveita
- Fjarvera vegna dauðsfalla í nánustu fjölskyldu
- Ferðir/æfingar á vegum landsliða/félagsliði í íþróttum og vegna tónlistarnáms
- Námskeið/námsferðir t.d. á vegum skiptinemasamtaka
- Tekið skal fram að ekki eru veitt leyfi vegna skemmtiferða
Nemendum eru ekki reiknaðar fjarvistir vegna viðurkenndra ferða á vegum skólans
Kennarar veita ekki leyfi.
Öll leyfi eru háð samþykki aðstoðarskólameistara.
Uppfært 18. október 2023
Áfangastjórn