fbpx
Menu

Fréttir

15. maí 2022

Annarlok

Kæru nemendur

Við viljum benda ykkur á nokkur mikilvæg atriði sem gott er að hafa í huga í lok annar.

 

Annarlok

Síðasti starfs­dagur sam­kvæmt námsáætlun og stunda­skrám er birtur í skóladagatali nemenda en kennslulok geta verið mis­mun­andi eftir áfanga. Nánari upplýsingar um skipulag hvers áfanga eru á Innu.

Dagarnir 13. til 19. maí eru náms­mats­dagar og þá fer það eftir skipu­lagi áfanga hvort nem­endur þurfa að mæta í próf/upp­töku­próf/vinna í verk­efnum eða skila síðustu verk­efn­unum en hver nem­andi fær upp­lýs­ingar um það hjá sínum kennara.

 

Próf og verkefni

Kenn­arar setja próf og verk­efni í Innu þannig að nem­endur sjá nákvæm­lega hvenær á að skila öllum verk­efnum og taka öll próf. Nem­endur eru hvattir til að yfir­fara þetta vand­lega í öllum áföngum og vera í sam­bandi við kennara ef þeir hafa spurn­ingar eða athuga­semdir.

 

Lokaeinkunnir, námsmat og endurgjöf

Loka­ein­kunnir verða birtar í Innu þann 19. maí 2022. Nem­endur eru hvattir til að skoða námsmat og fara yfir ein­kunnir. Einnig er þetta tæki­færi til að end­urskoða val næstu annar með umsjón­ar­kennara sem verður til taks á Teams kl. 10:00–12:00 þann dag.

 

Brautskráning Tækniskólans

Brautskráning Tækniskólans verður haldin í Eldborgarsal Hörpu sunnudaginn 22. maí 2022 kl. 13:00.

 

Skóladagatal

Mik­il­vægar dag­setn­ingar eru í skóladagatali nem­enda, í Innu og í viðburðardagatali á vef skólans.

 

Aðstoð í námi

Áhersla er lögð á að veita nem­endum góða aðstoð í námi og viljum við benda ykkur á þá þjón­ustu sem skólinn býður upp á:

  • Í námsveri skólans geta nemendur m.a. fengið hjálp við próf­töku og aðstoð við verk­efna- og ritgerðarsmíð.
  • Á bókasöfnum geta nemendur fengið greiðan aðgang að upp­lýs­ingum og heim­ildum vegna náms og kennslu.
  • Í ritveri er m.a. boðið upp á aðstoð við ritgerðarskrif, heim­ilda­leit og heim­ilda­skrán­ingar.
  • Boðið er upp á ýmsa aukatíma í skólanum. Sjá má hvaða tímar eru í boði í maí í viðburðardagatali skólans.
  • Náms- og starfsráðgjafar aðstoða nem­endur við ýmis­legt sem lýtur að námi og náms­fram­vindu.

 

Gangi ykkur sem allra best á lokasprettinum!