Valvika

Nem­endur sem óska eftir skóla­vist á haustönn 2023.

Í valvikunni 13.–17. mars staðfesta nem­endur í dag­skóla umsókn sína um áfram­hald­andi skóla­vist á næstu önn. Það er gert með því að staðfesta val í Innu og greiða álagt staðfest­ing­ar­gjald, kr. 5000. Þá þurfa þeir ekki að sækja aftur form­lega um skóla­vist.

 

Staðfestingargjald

Staðfest­ing­ar­gjald dregst fá upphæð skóla­gjalda en áríðandi er að nem­endur sem óska eftir áfram­hald­andi skóla­vist á næst­kom­andi önn staðfesti umsóknina með því að greiða álagt staðfest­ing­ar­gjald kr. 5.000. Staðfest­ing­ar­gjald fæst ekki end­ur­greitt. Ef staðfest­ing­ar­gjald er ekki greitt þá þurfa nemar að sækja aftur form­lega um á vef Menntamálastofnunar.

Hægt er að greiða kröfuna í næsta banka og dugar þá að gefa þar upp kenni­tölu greiðanda og að krafan sé í Lands­bank­anum banka 111. Ef nem­andi er undir 18 ára aldri er krafan stofnuð á þann sem skráður er aðstand­andi númer eitt í Innu.

Gjald­dagi staðfest­ing­ar­gjalds er 13. mars og eindagi 3. apríl.

Athugið að valvikan og staðfestingargjaldið á ekki við um nemendur sem eru á brautum í flugvirkjun, vefþróun, meistaraskóla, stafrænni hönnun, hljóðtækni eða í dreifnámi.

 

Brautarskipti

Umsókn um brauta­skipti fer einnig fram í Innu. Nemendur sem hyggja á að skipta um braut og eða þeir sem eru að ljúka grunnbrautum og þurfa að velja sér framhaldsbraut. Nem­endur sem sækja um brauta­skipti þurfa ekki að velja áfanga en nauðsyn­legt er að staðfesta valið og greiða staðfest­ing­ar­gjaldið. Athugið að ástundun, náms­gengi og mæting gæti haft áhrif á samþykki um brauta­skipti. Síðasti dagur til að óska eftir brautarskiptum er í lok dags 17. mars.

 

Upplýsingar og leiðbeiningar

Leiðbeiningar um braut­ar­skipti

Leiðbeiningar vegna vals

Námsskipulag allra brauta

Opið val – áfangalisti

Upplýsingar um valviku

Útskýring á áfangaheitum – myndrænt