Menu

Flugskóli Íslands

Heilbrigðiskröfur

Almennt um fluglæknaskoðun

Öllum handhöfum flugverjaskírteina, hvort heldur flugmenn eða flugfreyjur/þjónar er skylt að vera handhafar að Part-MED heilbrigðisvottorði.
Að lokinni fullnægjandi heilbrigðisskoðun hjá fluglækni, sem fer fram í samræmi við kröfur Part-MED, gefur fluglæknir út 1. eða 2. flokks heilbrigðisvottorð. Gildistími 1. og 2. flokks heilbrigðisvottorða er mismunandi.

Læknisskoðun fer fram hjá skráðum fluglækni sem hlotið hefur þjálfun og hefur leyfi Samgöngustofu til þess.

Öflun heilbrigðisvottorðs er ein af skyldum skírteinishafa til að öðlast og viðhalda skírteini sínu. Fluglæknar sem til þess hafa leyfi, fara eftir gildandi reglugerð um heilbrigðisskoðun fyrir skírteinishafa. Heilbrigðisvottorð hafa mismunandi gildistíma, en hann fer eftir tegund vottorðs og aldri viðkomandi einstaklings.

Ábendingar til flugnema

EINKAFLUGMANNSNÁM

Þeir flugnemar sem ætla að hefja einkaflugmannsnám, verða að vera komnir með a.m.k. 2 flokks læknisvottorð áður en farið er í fyrsta einliðaflug (sólóflug). Mælist Flugskóli Íslands með að allir sem hafa tekið sér kynningartíma og huga á áframhaldandi námi, nái sér í læknisvottorð hið fyrsta. Einnig hjálpar það með að skera úr um heilbrigðisástand einstaklings, áður en ákvörðun um áframhaldandi flugnám er tekin og of mikill kostnaður hefur hlotist hjá einstaklingi í öflun réttinda sem hann getur svo ekki öðlast. Flugnemar verða ávalt hafa læknisvottorð með sér, en læknisvottorð er hluti af skírteinum flugmanna. Án þess má flugmaður ekki fljúga.

ATVINNUFLUGMANNSNÁM

Þeir flugnemar sem ætla að hefja samtvinnað atvinnuflugnám, verða áður en sótt er um að vera komnir með 1.flokks læknisvottorð. Mælst er til með að fara til Fluglækningastofunnar í Álftamýri og óska eftir skoðun fyrir 1.flokks læknisvottorði.  Þeir mega taka menn í fyrstu skoðun fyrir útgáfu 1.flokks læknisvottorðs.  Skoðunarferli getur tekið allt að 1 mánuð að klára, þar sem skoðanir fara fram á fleiri en einum stað og fara eftir tímapöntunum þar af lútandi hjá ýmsum læknum.

Um fluglæknaskoðun

Heilbrigðisvottorð sem gefið er út samkvæmt gildandi reglugerð EB 1178/2011, styðst m.a. við skoðun á eftirfarandi atriðum;

  • Almenn atriði og líkamshreysti
  • Hjarta- og æðakerfi
  • Öndunarfæri
  • Meltingarkerfið
  • Efnaskipta- og innkirtlakerfi
  • Blóðsjúkdómar
  • Þvag- og kynfæri
  • Smitsjúkdómar
  • Fæðingar- og kvensjúkdómafræði
  • Vöðva- og beinakerfi
  • Geðfræðilegar kröfur
  • Sálfræðilegar kröfur
  • Taugafræðilegar kröfur
  • Sjónkerfi
  • Litsjón
  • Háls-, nef- og eyrnafræðilegar kröfur
  • Húðsjúkdómafræðilegar kröfur
  • Æxlafræðilegar kröfur

Fluglæknar – upplýsingar

Fluglæknar eru læknar er hafa til þess sérstakt leyfi Samgöngustofu til að starfa við og veita heilbrigðisvottorð til útgáfu skírteina Samgöngustofu. Ekki dugir að fara til annara lækna fyrir heilbrigðisskoðanir flugverja, s.s.flugmanna eða öryggis- og þjónustuliða (flugfreyjur/flugþjónar).

Á síðu Samgöngustofu má finna lista og aðrar upplýsingar um samþykkta fluglækna.  -Listi Samgöngustofu.;

Áður en flugnám er hafið þarf nemandi að fara í læknisskoðun hjá fluglækni hjá annað hvort Fluglækningastofnun eða Vinnuvernd ehf.
Sjá ábendingar til flugnema hér að neðan.

Fluglækningastofnun  Álftamýri 1, Sími:5516900, e-mail: aeromed@simnet.is.
Tímapantanir mánudaga til fimmtudaga á milli kl. 1500 og 1800. Gefur út 1.flokks og 2.flokks heilbrigðisvottorð.

Vinnuvernd ehf.  Holtasmári 1 Sími:5780800 e-mail: vinnuvernd@vinnuvernd.is.
Tímapantanir alla virka daga milli kl. 08:00 og 16:00 í síma 578 0800.  Nánari upplýsingar má finna á www.vinnuvernd.is/flugvernd.

ATH. Vinnuvernd býður eingöngu upp á 2.flokks heilbrigðisskoðun þ.e. fyrir einkaflugmenn og 1.flokks endurskoðun fyrir flugmenn.

 

Áhugaverður tengill um læknisfræðileg atriði fyrir flugáhafnir