Námsbraut
Náttúrufræðibraut raftækni
Ef rafmagnsverkfræði heillar þá hentar þessi leið til stúdentsprófs.
Greið leið til áframhaldandi náms í raf- eða rafeindavirkjun.
Innsýn í námið
Raftæknistúdent
Á þessari braut stundar þú nám til stúdentsprófs (3-4 ár eftir námshraða) auk þess að taka grunnnám rafiðna um leið. Námsbrautin er góð undirstaða fyrir nám í rafmagnsverkfræði.
Brautin er um 220 einingar. Hægt er að ljúka stúdentsprófi með 200 einingum en sú leið uppfyllir ekki inntökuskilyrði í framhaldsnám rafiðna í Tækniskólanum.
Sérstaða stúdenta Tækniskólans er ótvíræð því þeir hafa fleiri möguleika en þeir sem ljúka stúdentsprófi án þeirra sérgreina sem Tækniskólinn býður upp á.
Almennar upplýsingar
Inntökuskilyrði
Grunnskólapróf. Til að hefja nám á náttúrufræðibraut raftækni þarf að hafa lokið grunnskóla með lágmarkseinkunn B í íslensku, ensku og stærðfræði.
Að loknu námi
Stúdentspróf og grunnnámi rafiðna lokið.
Veitir réttindi til háskólanáms t.d. í tæknigreinum eða raunvísindum eða áframhaldandi náms í rafiðngreinum; rafvirkjun eða rafeindavirkjun í Tækniskólanum.
BrautarlýsingVerkefni nemenda
Sköpun heimsins – Brynjar Leó Hreiðarsson
Myndband um sköpun heimsins
Íslenskuverkefni um sköpun heimsins.
„Ég hef áhuga á ljós- og kvikmyndum og tónlist. Ég fæ innblástur frá góðum kvikmyndum, tónlist og umhverfinu mínu. Ég plana að vinna í kvikmyndum í framtíðinni sem annaðhvort leikstjóri eða DP.“
Hönnun og nýsköpun
Fjölbreytt hönnun og nýjar hugmyndir
Nemendur á Hönnunar og nýsköpunarbraut voru með sýningu á verkum vetrarins á vorsýningu.
Fjölbreytt verkefni og mikil sköpun sem sjá má á nokkrum myndum.
FAQ
Spurt og svarað
Hvað kostar námið?
Sjá upplýsingar um skólagjöld í gjaldskrá Tækniskólans.
Er námið lánshæft?
Lánasjóður íslenskra námsmanna veitir allar upplýsingar um lánshæfi náms á www.lin.is eða í síma 560 4000.
Eru efnisgjöld?
Nei, efnisgjöld eru innifalin í skólagjöldum.
Hvenær hefst kennsla?
Sjá upplýsingar í skóladagatali hér á vefnum.
Hvar fer kennslan fram?
Kennslustaðsetning áfanga er gefin til kynna með síðasta stafnum í áfangaheitnu í stundatöflu, þá stendur S fyrir Skólavörðuholt, H fyrir Háteigsveg og TH fyrir Hafnarfjörð.
Er mætingarskylda?
Já, nánari reglur um skólasókn er að finna hér á vefnum.
Er nemendafélag?
Upplýsingar um félagslíf og nemendafélag eru á síðu um félagslíf.
Hvernig sæki ég um?
Sækja um hnappur er hér á síðunni.