Innsýn í námið
Stærðfræði og raungreinar plús tæknigreinar eða hönnun
Aðaláhersla allra náttúrufræðibrauta er stærðfræði og raungreinar. Aukið val og nokkrar leiðir/línur sem hægt er að velja úr:
- Flugtæknilína
- Hönnunarlína
- Raftæknilína
- Tölvutæknilína
- Véltæknilína
- Opin leið
Námið er að mestu bóklegt en einnig getur verið um að ræða verklega áfanga. Námið skipulagt þannig að hægt sé að ljúka stúdentsprófi á sex til sjö önnum.
Brautarlýsing
NFB20 Náttúrufræðibraut
Markmið náttúrufræðibrautar er að búa nemendur undir nám í tæknigreinum og raunvísindum á háskólastigi. Stúdentspróf af náttúrufræðibraut er að lágmarki 200 einingar þar sem tiltekinn lágmarksfjöldi eininga þarf að vera á 3. hæfniþrepi. Heildarfjöldi eininga til stúdentsprófs ræðst einnig af frjálsu vali og því hvort nemandi hefur nám í kjarnagreinum á 1. eða 2. hæfniþrepi. Námið er að mestu bóklegt en einnig getur verið um að ræða verklega áfanga.
Sérgreinalínur: Nemendur geta valið í frjálsu vali úr öllum sérgreinalínum nema úr flugtæknilínunni. Nemendur sem velja flugtæknilínuna taka alla sérgreinaáfanga línunnar á útskriftarönn.
Almennar upplýsingar
Inntökuskilyrði
Til að hefja nám á náttúrufræðibraut þarftu að hafa lokið grunnskólanámi með B í að minnsta kosti tveimur kjarnagreinum.
Námsbrautin:
Kjarni og bundið val er 156 einingar og frjálst val er 44 einingar. Nemendum gefst möguleiki á að velja sérgreinalínur í stað frjáls vals og tekur einingafjöldi mið af því vali.
Ef valin er opin leið má velja úr öllum sérgreinalínum utan flugtæknilínu en þó að hámarki 30 einingar á 1. þrepi, 25 einingar á 2. þrepi og 15 einingar á 3. þrepi.
Að loknu námi
Brautinni lýkur með stúdentsprófi af náttúrufræðibraut. Þú klárar í kjarna og bundnu vali 156 einingar og frjálst val er 44–45 einingar til að ljúka við brautina, samtals 200–201 eining.
Markmið náttúrufræðibrautar er að búa nemendur undir nám í tæknigreinum og raunvísindum á háskólastigi. Að námi loknu eiga nemendur að hafa góða undirstöðuþekkingu í raunvísindum og stærðfræði og vera færir um að nýta hana við margvísleg verkefni í daglegu lífi, starfi og við frekara nám.
Námslínur
- Samantekt
- Lýsing á námslínum
Náttúrufræðibraut |
Kjarni |
Val |
Sérgrein |
Ein. alls |
| Flugtæknilína | 156 ein. | 30-31 ein. | 15 ein. | 200-201 ein. |
| Hönnunarlína | 156 ein. | 10-11 ein. | 34 ein. | 200-201 ein. |
| Raftæknilína | 156 ein. | 10-11 ein. | 34 ein. | 200-201 ein. |
| Tölvutæknilína | 156 ein. | 9-10 ein. | 35 ein. | 200-201 ein. |
| Véltæknilína | 156 ein. | 9-10 ein. | 35 ein. | 200-201 ein. |
| Opin leið | 156 ein. | 44-45 ein. | 200-201 ein. | |
| Sjá námsskipulag brautar (pdf) | ||||
Opin leið
Þetta er sú leið sem nemendur fara ef þeir klára ekki ákveðna línu með því að nýta allar 46 einingarnar í frjálsu vali. Athugið að nemendur geta líka valið greinar úr öðrum línum utan flugtæknilínu.
Flugtæknilína
Hefurðu áhuga á að starfa í fluginu? Inni á brautinni er bóklegt nám til einkaflugmannsréttinda sem kennt er í Keili. Aðaláhersla er á stærðfræði og raungreinar. Námið er góð undirstaða fyrir nám á háskólastigi í raunvísindum og tæknigreinum sem og atvinnuflugmannsnám. Flugnámið sjálft er allt kennt á útskriftarönninni og geta eingöngu nemendur á flugtæknilínu valið það nám. Greiða þarf sérstaklega fyrir verklega námið þ.e.a.s. flugtíma.
Hönnunarlína
Hefur þú áhuga á að kynnast hönnun eða nýsköpun? Nemendur kynnast aðferðum skapandi vinnu í gegnum teikningu, liti, form, efni og líkön. Þeir kynnast einnig fagverkstæðum skólans í verkstæðisáföngum og geta valið um frekari áherslu á hönnun annars vegar og nýsköpun hins vegar. Námið einkennist af fjölbreyttri nálgun í vinnu með skapandi verkefni.
Raf-, tölvu- og véltæknilína
Nemendur sem velja eina af þessum línum geta náð í grunnþekkingu í þessum tæknigreinum. Eftir stúdentspróf hafa nemendur greiðari leið í tæknitengt háskólanám en af hefðbundnum náttúrufræðibrautum. Nemendur geta einnig sótt um nám í tengdri iðngrein í Tækniskólanum og klárað sveinsprófið.
FAQ
Spurt og svarað
Hvernig sæki ég um?
Innritunarhnappur merktur „Sækja um“ er hér á síðunni og leiðir þig inn á innritunarvef.
Útskrifast ég með stúdentspróf af náttúrufræðibraut?
Já, ef þú klárar brautina – og þú hefur einnig möguleika á að velja þér tæknigreinar, hönnunar- og nýsköpunargreinar sem áherslu í valgreinum.
Hvað kostar námið?
Sjá upplýsingar um skólagjöld í gjaldskrá Tækniskólans.
Er námið lánshæft?
Menntasjóður námsmanna veitir allar upplýsingar um lánshæfi náms á menntasjodur.is
Eru efnisgjöld?
Nei, efnisgjöld eru innifalin í skólagjöldum.
Hvenær hefst kennsla?
Sjá upplýsingar í skóladagatali hér á vefnum.
Hvar fer kennslan fram?
Kennslustaðsetning áfanga er gefin til kynna með merkingu aftan við áfangaheiti í stundatöflu, þá stendur S fyrir Skólavörðuholt, –Hát fyrir Háteigsveg og –Hfj fyrir Hafnarfjörð. Sjá einnig kort af húsnæði skólans.
Þarf ég að vera með fartölvu?
Nei, ekki hefur verið gerð krafa um það hingað til. Allir nemendur skólans hafa aðgang að tölvum og tölvukerfi Tækniskólans. Um aðgengi að tölvum má lesa hér.
Er mætingarskylda?
Já, reglur um skólasókn og aðrar reglur má finna hér á vefnum.
Er nemendafélag?
Upplýsingar um félagslíf og nemendafélag eru á síðu um félagslíf.
Get ég valið náttúrufræðibraut flugtækni ef ég hef byrjað nám mitt í öðrum framhaldsskóla og kem inn með námsmat?
Nei, þar sem bóklegi hluti einkaflugmannsins er innifalinn í náminu án aukakostnaðar, getur þú eingöngu valið þessa braut ef þú hefur nám á náttúrufræðibraut Tækniskólans strax eftir grunnskóla. Undantekning væri ef þú greiðir sérstaklega fyrir bóklega einkaflugmannsnámið samkvæmt gjaldskrá Flugskóla Íslands.