Á námskeiðinu eru áhrif fjarlægðar á liti í landslagi skoðuð og hvernig móta má dýpt með litameðferð, myndbyggingu og áferð. Eins er fjallað um nokkra innlenda og erlenda myndlistarmenn sem hafa gert landslag að inntaki í myndsköpun sinni. Málað er á striga og/eða pappír að eigin vali. Heimaverkefni verða lögð fyrir svo þátttakendur fái sem mest út úr námskeiðinu. Markmiðið er að þjálfa eftirtekt og persónulega sýn á umhverfi sitt sem viðfangsefni í markvissri myndsköpun. Gerðar verða skissur, m.a. með olíupastel litum, málað eftir ljósmyndum og eins unnið beint á strigann, hratt og með flæði.

Innifalið: Lituð skissublöð, tvær tegundir af ámálunarpappír og afnot af pastellitum. 

Efni: Sendur verður listi yfir efni og áhöld fyrir fyrsta tíma.

Smelltu hér til að skrá þig á póstlistann og fá reglulegar fréttir af námskeiðum okkar.