Á námskeiðinu eru rifjuð upp undirstöðuatriði í ensku, í talmáli og málfræði en síðan eru tekin frekari skref og þannig byggt ofan á eldri þekkingu með tilheyrandi æfingum. Til þess að nýta hina fjölbreytilegu möguleika tölvunnar og netsins verða kynntar fyrir þátttakendum vefsíður sem geta komið þeim að gagni síðar við frekara enskunám heima við. Þátttakendur æfa sig í að spjalla saman, leita að áhugaverðu efni á netinu t.d. við að leysa gagnvirkar æfingar og taka lagið til þess að æfa enn frekar framburðinn, t.d. einhver Bítlalög sem allir kannast við. Markmiðið með kennslunni er að gera þátttakendum kleift að dusta rykið af skólaenskunni og verða öruggari og sjálfstæðari í að afla sér upplýsinga á netinu og að vera betur í stakk búin til þess að læra meira í gegnum netið.
Tölvur eru á staðnum.