Íslandsmót iðn- og verkgreina
Mín framtíð 2023
Íslandsmót iðn- og verkgreina og framhaldsskólakynning fór fram í Laugardalshöll dagana 16.–18. mars.
Á Íslandsmótinu takast keppendur á við krefjandi verkefni í samkeppni sem reynir á hæfni, skipulagshæfileika og fagmennsku. Sigur á Íslandi gefur möguleika á að fara og keppa á Euroskills en næsta keppni fer fram í Gdansk í september 2023. Alls voru 22 faggreinar skráðar til leiks í keppni á mótinu og 10 greinar til viðbótar voru með kynningar ásamt 27 framhaldsskólum.
Tækniskólinn var með kynningarbás í Laugardalshöllinni þar sem gestir gátu meðal annars prófað gröfuhermi, siglingahermi, vélmenni, látið taka af sér ljósmyndir og spreytt sig í hárgreiðslu. Auk þess voru fulltrúar frá Tækniskólanum á mörgum keppnisbásanna og þar fengu gestir tækifæri til að snerta á og prófa hluti undir handleiðslu fagmanna.
Um sextíu nemendur frá Tækniskólanum kepptu á Íslandsmótinu.
Fulltrúar skólans stóðu sig með glæsibrag, unnu til fjölda verðlauna og óskum við þeim innilega til hamingju með árangurinn.
Nýkrýndir Íslandsmeistarar Tækniskólans eru þessir:
- Forritun – Bjartur Sigurjónsson
- Grafísk miðlun – Olivier Piotr Lis
- Gull- og silfursmíði – Benedikt Axelsson
- Húsasmíði – Van Huy Nguyen
- Fataiðn – Vilborg Magnúsdóttir
- Málaraiðn – Hildur Magnúsdóttir Eyrúnardóttir
- Múraraiðn – Arnar Freyr Guðmundsson
- Pípulagnir – Ezekiel Jakob Hansen
- Rafeindavirkjun – Hlynur Karlsson
- Rafvirkjun – Gunnar Guðmundsson
- Vefþróun – Gabríel B.Friðriksson, Shishir J. Patel og Sebastian M. Lenart
- Veggfóðrun og dúkalögn – Magnús Breki Þórarinsson
Þá lentu Jóhanna Sigrún Haraldsdóttir og Helga Brynja Árnadóttir í 2. og 3. sæti í hársnyrtiiðn lengra kominna (sá hluti sem er undankeppni Euroskills) og Gestur Baldursson í 2. sæti í málmsuðu. Einnig voru svokallaðar Fantasíukeppnir í hárnyrtiiðn sem nemendur skólans röðuðu sér í nokkur toppsæti í.