Kafli 12 – Skólanámskrá

Reglur um skólasókn

Úr skólareglum Tækniskólans:

2.1  Nem­endur sæki allar kennslu­stundir í þeim áföngum sem þeir eru skráðir í og mæti stund­vís­lega.
2.2  Litið er svo á að ef nem­andi mætir ekki í skólann fyrstu kennslu­vikuna og hefur ekki gert grein fyrir fjar­veru sinni ætli hann ekki að stunda nám í skól­anum.
2.3  Ef kennsla hefst ekki stund­vís­lega og for­föll kennara hafa ekki verið til­kynnt skulu nem­endur spyrjast fyrir um orsökina á skrif­stofu skólans.
2.4  Mæting í tíma er skráð daglega. Vilji nemandi gera athugasemd við fjarvistarskráningu sína verður hann að koma athugasemdum sínum til viðkomandi kennara innan einnar viku. Breytingar á viðveruskráningu verða ekki gerðar að þeim tíma loknum.
2.5  Viðvera nem­enda er metin með eft­ir­far­andi hætti:

• Fjarvist úr kennslustund í meira en 20 mínútur – 1 fjarvistarstund
• Fjarvist úr kennslustund í minna en 20 mínútur – 0,5 fjarvistarstund

2.6  Fari raunmæting nemanda í áfanga niður fyrir 80% áskilur skólinn sér rétt til að skrá hann úr viðkomandi áfanga.
Ein­kunn er gefin fyrir skóla­sókn  á hverri önn og reiknast hún svo:

• 97–100% eink. 10 – 1 ein.*​
• 95–96,99% eink. 9 – 1 ein.*​
• 91–94,99% eink. 8 – 0 ein.​
• 88–90,99% eink. 7 – 0 ein.​
• 84–87,99% eink. 6 – 0 ein.​
• 79,5–83,99% eink. 5 – 0 ein.​
• 75–79,49% eink. 4 – 0 ein.​
• 70–74,99% eink. 3 – 0 ein.​
• 65–69,99% eink. 2 – 0 ein.​
• Minna en 65% eink. 1 – 0 ein.

Reglu­lega er gerð úttekt á skóla­sókn nem­enda. Nem­endur sem ekki fylgja reglum um skóla­sókn fá senda áminn­ingu í gegnum Innu. Við end­ur­tekin brot á reglum um skóla­sókn áskilur skólinn sér rétt til að vísa nem­and­anum úr skól­anum.

2.7  Hægt er að veita undanþágu á skóla­sókn­ar­reglum fyrir afreks­fólk í sam­ræmi við kafla 16.2 í aðalnám­skrá. Nem­andi sem hyggst sækja um undanþágu skal skila inn viðeig­andi gögnum til aðstoðarskóla­meistara.
2.8  Þá er hægt að sækja um undanþágu frá skólasóknarreglum viðkomandi önn vegna langvinnra veikinda og/eða sérstakra aðstæðna. Umsóknir um slíka undanþágu fara í gegnum námsráðgjafa.

Veikindi – vottorð

Nemendur yngri en 18 ára – Forráðamenn/aðstandendur skrá veikindi nemenda beint inn í Innu. Skólinn staðfestir móttöku slíkra vottorða með tölvupósti til forráðamanns. Nemendur, 18 ára og eldri, geta til­kynnt hefðbundin veik­indi í Innu án þess að leggja fram lækn­is­vottorð. Kenn­urum og öðru starfs­fólki Tækni­skólans er ekki heimilt að gefa nem­endum leyfi í tímum Athugið, ef veikindaforföll nemanda fara yfir 10 daga á önn þá þarf nemandi að fara til námsráðgjafa eða skólastjóra.

•  Sjá nánar um veikindi og forföll

•  Sjá nánar um hvernig nemendur/aðstandendur skrá veikindi eða forföll

Langvinn veikindi

Nemendum sem eiga við langvinna eða þráláta sjúkdóma að stríða eða verða fyrir áföllum sem hamla skólagöngu þeirra á önninni er bent á að ræða við námsráðgjafa.

Íþróttir

Þeir nemendur sem ekki geta stundað íþróttir verða að skila vottorði til skrifstofunnar innan viku frá afhendingu stundaskrár, sjá nánar um íþróttir

Viðveruskráning nemenda

Kennari skráir viðveru nemenda í Innu samkvæmt VNL-0143.

Uppfært 03. september 2026
Áfangastjórn