Innsýn í námið
Brautin samanstendur af þeim áföngum sem nemendur þurfa að lágmarki að taka til að ljúka stúdentsprófi að loknu iðn- og starfsnámi.
Heildarfjöldi eininga ræðst af einingafjölda starfsnámsbrautar og þeim einingum sem koma fram hér fyrir neðan, að því tilskyldu að þessir áfangar hafi ekki verið hluti af iðn- og starfsnámsbraut nemandans.
Stúdentsleið er að lágmarki 40 einingar í viðbót við einingafjölda brautar og nemendur útskrifast að lágmarki með 200 einingar.
Athugið að viðbótarnám til stúdents tilheyrir ekki öðrum stúdentsleiðum s.s. af náttúrufræði-, hönnunar-, tölvu-, skip- og vélstjórnarbrautum.
Almennar upplýsingar
Námsframvinda
Sérhæfing nemandans er fólgin í iðn- og starfsnámi hans, og getur hann tekið þessa áfanga jafnt og þétt gegnum námið eða bætt þeim við þegar iðn- og starfsnámi lýkur. Brautin er með námslok á 3. hæfniþrepi.
Nemendur eru hvattir til þess að kynna sér inntökuskilyrði háskólanna við útfærslu á samsetningu stúdentsprófa og leita eftir aðstoð skólastjóra, fagstjóra eða starfs- og námsráðgjafa skólans.
Áfangar
Áfangar til stúdents að lágmarki 40 einingar
• Íslenska; val um einn áfanga á 2. þrepi og tvo á 3. þrepi = 15 ein.
• Enska / Stærðfræði, val = 15 ein.
• Danska; einn áfangi á 2. þrepi = 5 ein.
• Valáfangar = 5 ein.
Sjá nánar námsskipulag stúdentsleiðar af fagbraut
Nemendur með annað móðurmál en íslensku þurfa að ljúka minnst fjórum áföngum í ÍSAN, þremur á 2. þrepi og einum á 3ja þrepi.