Menu

Námsbraut

Margmiðlunarskólinn

Hefur þú áhuga á þrívíddarvinnslu, tæknibrellum, tölvuleikjagerð og teiknimyndagerð.
Þetta er allt hluti námsins.

Kennsluform: Dagskóli
Lengd náms: 4 annir
Tengiliður: Ragnhildur Guðjónsdóttir

Innsýn í námið

Framsækið tækninám

Skapandi nám í leikjahönnun, þrívídd og eftirvinnslu kvikmynda

Margmiðlunarskólinn(RADE) er vel tækjum búinn, með green screen stúdíó, hljóðstúdíó, MotionCatpure og góðan búnað fyrir myndatökur.

Námið er verkefnadrifið og líkist starfsumhverfi atvinnulífsins. Hröð þróun er í starfsgreininni og krefst símenntunar en nemendur eru þjálfaðir í því að temja sér þann hugsunarhátt.

Almennar upplýsingar

Námið og möguleikar að því loknu

Á fyrstu og annarri önn færð þú grunn í helstu forritum og kenningum greinarinnar. Á þriðju önn velur þú þér svið til að sérhæfingar og fjórða önnin er hugsuð sem eitt stórt verkefni sem unnið er sjálfstætt með stuðningi kennara og aðila úr atvinnulífinu.

Skólinn leggur áherslu á að útskrifa nemendur með frjóa hugsun og vilja til að fara nýjar leiðir.
Nám í Margmiðlunarskólanum tekur tvö ár og útskrifast nemendur með diplóma. Möguleiki er á að taka viðbótarár við erlenda háskóla til BA gráðu.

Brautarlýsing

Inntökuskilyrði

Inntökuskilyrði er útskrift úr framhaldsskóla eða sambærilegt. Góða kunnáttu í tölvum og ensku. Hafir þú ekki viðeigandi menntun en getur sýnt fram á framúrskarandi hæfni á tilteknu sviði er hægt að meta það sérstaklega.

Skólinn getur þó óskað eftir því að viðkomandi bæti við sig undirbúningsgreinum.

Umsækjendur þurfa að skila inn ferilmöppu (e. portfolio) og staðfestum gögnum um námsárangur frá öðrum skólum. Inntökunefnd fer yfir umsóknir og getur kallað umsækjendur til viðtals. Farið er með öll gögn sem trúnaðarmál.

Verkefni nemenda

Hópverkefni – þrívíddarmódeling, animation, texture og eftirvinnsla

Krúttlegur trailer um fisk

Við erum 6 stelpur sem urðum góðar vinkonur í Margmiðlunarskólanum og unnum saman að lokaverkefni á 2.önn skólans. Við erum allar með mismundandi áhugasvið t.d. þrívíddar módeling, hreyfimyndagerð og eftirsvinnsla við kvikmyndir.

Ólafur Lárus Egilsson

Gandhi í þrívídd

Ég er fyrrverandi kokkur og núverandi nemandi í Margmiðlunarskólanum. Ég hef mikinn áhuga á list í allri sinni dýrð: myndlist, teikningar, tónlist, tölvuleikir..
Langar að nýta þessi áhugarmál til að búa til tölvuleiki í framtíðinni og/eða bíómyndir.

Skipulag náms

Samstarfsfyrirtækin

Margmiðlunarskólinn vinnur náið með stórum fyrirtækjum við að þróa námið og einnig koma gestafyrirlesarar frá fyrirtækjunum. Sem dæmi um fyrirtæki sem skólinn starfar með má nefna CCP, Caoz, RVX, ReykjavíkIO o.fl.

Margmiðlunarskólinn er í Sjómannaskólahúsinu, húsi Tækniskólans á Háteigsvegi.

Skólastjóri Margmiðlunarskólans er:

Ragnhildur Guðjónsdóttir, netfang: rag@tskoli.is, sími: 514 9601.

Áfangi sem sjálfstæð heild

Hver námsáfangi er sjálfstæð heild en skipuleggja má námið í heildstæðum viðfangsefnum þvert á áfanga eða skipta efni tiltekinna áfanga í smærri námsþætti allt eftir þörfum nemendahópsins. Þess skal þó ávallt gætt að lokamarkmiðum námsins og markmiðum einstakra áfanga sé haldið til skila og að heiti og númer áfanga séu rétt tilgreind á prófskírteinum nemenda.

Umsagnir

Skoða skólalífið

Skólinn er í miklum samskiptum við atvinnulífið.

"Nemendur skiptast í tvennt, annars vegar þá sem hafa áhuga á töluleikjum eða annarri afþreyingu í tölvum og síðan er kvikmyndahópurinn sem er í brellunum." segir Halldór Bragason fagstjóri í Margmiðlunarskólanum.

FAQ

Spurt og svarað

Hvernig sæki ég um nám í Margmiðlunarskólanum?

Umsóknir fara í gegnum Innu.is. – umsóknarhnappur hér á síðunni fer inn á innritunarvef og þar á að velja Tækniakademían.

Umsækjendur þurfa að skila inn ferilmöppu (e. portfolio) og staðfestum gögnum um námsárangur frá öðrum skólum. Inntökunefnd fer yfir umsóknir og getur kallað umsækjendur til viðtals. Farið er með öll gögn sem trúnaðarmál.

Er námið styrkhæft hjá LÍN?

Á síðu LÍN – Lánasjóðs íslenskra námsmanna – sjá lista neðst á síðunni – eru upplýsingar um lánshæft nám að uppfylltum kröfum lánasjóðsins.

Hvað tekur nám í Margmiðlunarskólanum langan tíma?

Námið tekur tvö ár, fjórar annir, og er gert ráð fyrir að nemendur stundi það sem hverja aðra vinnu og gilda almennar reglur Tækniskólans um mætingu.

Hvað kostar námið í Margmiðlunarskólanum?

Sjá upplýsingar um skólagjöld í gjaldskrá Tækniskólans.

Spurningar

Hafðu samband og við svörum þér um hæl!

Var efnið á síðunni hjálplegt?
Frábært það eru góðar fréttir!