fbpx
en
Menu
en

Véltækniskólinn

Ertu tæknileg/ur? Fyrir þá sem vilja læra á vélar, rafmagn eða málmsmíði og öðlast réttindi. Eða þá sem vilja frábæran grunn undir meira tækninám í háskóla.

Véltækniskólinn er öflugur skóli sem býður upp á vandað nám sem er í senn hátækni og handverk.

Þekking, færni, frumkvæði
Véltækniskólinn

Innsýn í námið

Málmur, vélar, tækni og fræði

Véltækniskólinn býður upp á nám rennismíði, stálsmíði, vélstjórn, vélvirkjun og flugvirkjun. Að námi loknu hefur nemandi lokið undirbúningi undir sveinspróf í iðngreininni. Stúdentspróf er í boði sem viðbótarnám allra brauta, er þó innifalið í átta anna vélstjórnarréttindanámi.

Námið felst bæði í bóknámi og verknámi. Verknám fer fram í húsnæði skólans á Háteigsvegi í Reykjavík og í Flatahrauni í Hafnarfirði nema allt nám í flugvirkjun fer fram í Árleyni í Grafarvogi. Bóknámið er í dagskóla en er í auknum mæli boðið í dreifnámi einnig (nám með vinnu, fjarnám).

Námsbrautir og námsskipulag Véltækniskólans

Brautir

Námsbrautir

Fréttir

Sjá fleiri fréttir

15. desember 2019

Opnunartími yfir jólahátíðina

- Skrifstofa og bókasafn

Afgreiðslutími virka daga til áramóta

Á Skólavörðuholti:
Lokað 23.12.
Opið 27.12. frá kl. 10:00 til 15:00
30.12. frá kl. 8:00 til 15:00
Opnum kl. 10 fimmtudaginn 2. janúar

Lesa meira

Viðburðir

júní
29. 29. júní - 03. ágúst Sumarleyfi – lokað frá og með 29. júní til og með 3. ágúst
ágúst
14. Föstudagur
Stundatöflur — haust 2020 opnast í Innu
20. Fimmtudagur
Kennsla hefst á haustönn 2020
Leita í dagatali

Umsagnir

Skoða skólalífið

Rafnar Snær Baldvinsson lauk námi árið 2018

Vélstjórnarnámið er mjög fjölbreytt, inniheldur mikið af nytsamlegum upplýsingum og hefur frábæra kennara sem miðla þekkingu eins og þeim einum er lagið.

Þetta nám opnar margar dyr og gerir að verkum að það sé fátt sem að flækist fyrir manni í framtíðinni.

Ég mæli eindregið með þessu námi ef að þú ert forvitin/n um virkni hluta og/eða viðgerðir.

Sigurður sem útskrifaðist í vor er kominn í nám í Háskólanum í verkfræði.

Sigurður sem útskrifaðist í vor er kominn í nám í Háskólanum í verkfræði. "Fjölbreytnin í náminu er góður grunnur. Ég finn að ég stend betur að vígi en margir sem eru með mér í verkfræðináminu hér í háskólanum."

Valdimar Árnason lauk námi í flugvirkjun haustið 2019.

Í byrjun árs 2017 var komið að því, ég ætlaði að gera eitthvað meira en bara vinna. Mig langaði að gera eitthvað sem ég hafði virkilega áhuga á. Var búinn að velta þessu fyrir mér í kannski tvö ár og svo sá ég auglýsingu á Facebook fyrir flugvirkjanám Tækniskólans. Auglýsingin poppaði auðvitað upp á mínum skjá því ég hef haft brennandi áhuga á flugvélum síðan ég var 4 ára og er með fullt að flugvélatengdum síðum á Facebook.

Ég sé ekki eftir að hafa sótt um þetta sérnám því ég kynntist fólki frá öllum stéttum samfélagsins. Fólk sem hafði mismikinn áhuga en vildi gera það sama og ég, finna sér eitthvað sem væri öðruvísi en þau höfðu verið að vinna við. Gaman var að fylgjast með þeim öllum fá aukinn áhuga fyrir þessum tækjum háloftanna með mér.

Námið er skemmtilegt og mjög fjölbreytt en á köflum ansi strembið og voru flestir kennararnir mjög færir að einfalda efnið fyrir manni. Það sem ég tek úr þessu er auðvitað námið og kunnátta mín að leysa vandamál en þessi  tvö ár með bekkjarfélögunum stendur upp úr. Tveir mánuðir fyrir norðan á Akureyri í verklegu námi virkilega þéttu hópinn og er maður heppinn að hafa eignast svona marga vini.

Núna erum við flest að finna okkur störf og mörg fyrir utan landsteinana vegna þess að námið er gilt út um allan heim. Ég er t.d. kominn með starf í Þýskalandi ásamt 10 öðrum sem erum að fá samninga í útlöndum.

Velkomin

Velkomin í Véltækniskólann

Jón Hjalti Ásmundsson

- Kveðja frá skólastjóra

Í Véltækniskólanum tökum við vel á móti þér sem vilt ná þér í hagnýta hágæða tæknimenntun. Útskrifaðir nemendur frá okkur starfa víða og námið opnar fjölda fjölbreyttra atvinnutækifæra.

Dagnámskennsla í Véltækniskólanum í Reykjavík fer að mestu fram í Sjómannaskólanum Háteigsvegi og í Hafnarfirði (Flatahrauni og Gjótuhrauni), flugvirkjunin er í Árleyni í Reykjavík.

Hlökkum til að sjá þig.

 

Jón Hjalti Ásmundsson

  • Skólastjóri Skipstjórnarskólans og Véltækniskólans (málm-, vél- og flugtækni)
  • [email protected]
  • s. 514 9501 / 894 3834

FAQ

Spurt og svarað

Er hægt að taka stúdentspróf með náminu?

Námi til vélstjórnarréttinda C og D lýkur með stúdentsprófi.

Fagnámi málm- og véltæknigreina lýkur ekki með stúdentsprófi en nemendur eiga kost á slíku viðbótarnámi til undirbúnings námi á háskólastigi. Mögu­legt er einnig að taka viðbótarnámið samhliða fagnáminu.

Þarf að eiga sérstakan búnað fyrir námið?

Nemendur sem hefja nám í Véltækniskólanum verða að koma með eigin öryggisskó, hlífðargleraugu og heyrnahlífar sem skylt er nota í verklegu námi skólans og við aðra vinnu þar sem kennarar krefjast þess að nemendur noti hlífðarbúnað.

Áréttað skal að nemendum er með öllu óheimilt að vinna við vélar og tæki nema í skipulögðum áföngum þar sem kennari er til staðar.

Hvar vinna útskrifaðir nemendur úr Véltækniskólanum?

Vélstjórar og vélfræðingar starfa m.a. í verksmiðjum, á skipum, í orkuverum og þar sem gerðar eru kröfur um víðtæka þekkingu á vél- og tæknibúnaði. Vélstjórnarnám veitir réttindi til atvinnu um allan heim á skipum af öllum stærðum og gerðum, við fiskveiðar, flutninga eða á stærstu farþegaskipum.

Vélvirkjar starfa einkum í þjónustufyrirtækjum sem annast viðhald véla og vélbúnaðar, í framleiðslufyrirtækjum sem nýta vélar í starfsemi sinni, í verktakafyrirtækjum byggingastarfsemi og skipasmíða og í fyrirtækjum sem smíða vélar og vélbúnað.

Flugvirkjar starfa á flugvöllum og við viðhaldstengda þjónustu við flugvélar um allan heim, enda er námið með evrópska viðurkenningu. Störfin felast í almennu viðhaldi með flugvélum og úrlausn vandamála sem upp koma við notkun.

Stálsmiðir starfa einkum hjá framleiðslu-, verktaka- og byggingafyrirtækjum sem hanna, smíða og gera við vélar, reisa mannvirki og viðhalda þeim, smíða, viðhalda og gera við skip og veita aðra þjónustu sem byggist á meðferð og meðhöndlun málma.

Rennismiðir starfa gjarnan á sérhæfðum rennismíðaverkstæðum sem jafnan eru annað tveggja deildir innan málm- og véltæknifyrirtækja eða sérstök þjónustu- og smíðafyrirtæki.

Hvernig kemst ég á starfssamning?

IÐAN fræðslusetur heldur utan um námssamninga og þekkir til fyrirtækja sem taka nema á samning.

Ég er með stúdentspróf, fæ ég það metið og hvað er námið þá langt?

Í öllu námi Véltækniskólans, nema flugvirkjun, eru almennar greinar sem kenndar eru í framhaldsskólum landsins og eru hluti af almennu stúdentsprófi, og eru þær metnar inn í námið sem getur stytt námstímann um allt að fjórðung.

Í flugvirkjun eru ekki almennar greinar í kjarnanáminu og því er ekki um mat almennra greinar að ræða þar, en rétt er að nefna að stúdentspróf er góður grunnur fyrir nám í flugvirkjun enda er nauðsynlegt að búa yfir góðri kunnáttu í stærðfræði, eðlisfræði og ensku.

Er námið lánshæft hjá LÍN?

Já, lánasjóðurinn veitir nánari upplýsingar. Sjá lista yfir lánshæft nám neðst á síðunni hjá LÍN.

Spurningar

Hafðu samband og við svörum þér um hæl!

  • This field is for validation purposes and should be left unchanged.
Var efnið á síðunni hjálplegt?
Frábært það eru góðar fréttir!