en
Menu
en

Véltækniskólinn

Ertu tæknileg/ur? Fyrir þá sem vilja læra málmsmíðar, öðlast vélstjórnarréttindi eða búa sig undir meira tækninám í háskóla.

Véltækniskólinn er öflugur skóli sem býður upp á vandað nám sem er í senn hátækni og handverk.

Þekking, færni, frumkvæði
Véltækniskólinn

Innsýn í námið

Málmur, vélar, tækni og fræði

Véltækniskólinn býður upp á nám rennismíði, stálsmíði, vélstjórn og vélvirkjun. Að námi loknu hefur nemandi lokið undirbúningi undir sveinspróf í iðngreininni. Stúdentspróf er í boði sem viðbótarnám allra brauta, er þó innifalið í átta anna vélstjórnarréttindanámi.

Námið felst bæði í bóknámi og verknámi. Verknámið fer fram í húsnæði skólans á Háteigsvegi í Reykjavík og á Flatahrauni í Hafnarfirði. Bóknámið er almennt í dagskóla en er í auknum mæli boðið í dreifnámi einnig (nám með vinnu, fjarnám).

Námsbrautir og námsskipulag Véltækniskólans

Brautir

Námsbrautir

Fréttir

Sjá fleiri fréttir

14. maí 2019

Útskrift verður 22. maí kl. 15 í Hörpu

Útskriftin verður í einni athöfn fyrir allar brautir skólans.
Athöfn hefst stundvíslega kl. 15:00 í Hörpu en útskriftarnemar eru beðnir um að mæta kl.14:15.
Dagskrá í frétt.

Lesa meira

Viðburðir

júlí
01. 01. júlí - 02. ágúst Sumarfrí – skólinn lokaður 1. júlí til og með 2. ágúst
ágúst
15. Fimmtudagur
Stundatöflur — haust 2019 opnast í Innu
19. Mánudagur
Kennsla hefst á haustönn 2019
Leita í dagatali

Umsagnir

Skoða skólalífið

Rafnar Snær Baldvinsson lauk námi árið 2018

Vélstjórnarnámið er mjög fjölbreytt, inniheldur mikið af nytsamlegum upplýsingum og hefur frábæra kennara sem miðla þekkingu eins og þeim einum er lagið.
Þetta nám opnar margar dyr og gerir að verkum að það sé fátt sem að flækist fyrir manni í framtíðinni.
Ég mæli eindregið með þessu námi ef að þú ert forvitin/n um virkni hluta og/eða viðgerðir.

Sigurður sem útskrifaðist í vor er kominn í nám í Háskólanum í verkfræði.

Sigurður sem útskrifaðist í vor er kominn í nám í Háskólanum í verkfræði. "Fjölbreytnin í náminu er góður grunnur. Ég finn að ég stend betur að vígi en margir sem eru með mér í verkfræðináminu hér í háskólanum."

Velkomin

Velkomin í Véltækniskólann

Vilbergur Magni Óskarsson

- Kveðja frá skólastjóra

Í Véltækniskólanum tökum við vel á móti þér sem vilt ná þér í hagnýta hágæða tæknimenntun. Útskrifaðir nemendur frá okkur starfa víða og námið opnar fjölda fjölbreyttra atvinnutækifæra.

Dagnámskennsla í Véltækniskólanum í Reykjavík fer að mestu fram í Sjómannaskólanum Háteigsvegi  og í Hafnarfirði (Flatahrauni og Gjótuhrauni).

Hlökkum til að sjá þig.

 

Vilbergur Magni Óskarsson

  • Skólastjóri Skipstjórnarskólans og Véltækniskólans
  • [email protected]
  • s. 514 9501 / 665 1120

FAQ

Spurt og svarað

Er hægt að taka stúdentspróf með náminu?

Námi til vélstjórnarréttinda C og D lýkur með stúdentsprófi.

Fagnámi málm- og véltæknigreina lýkur ekki með stúdentsprófi en nemendur eiga kost á slíku viðbótarnámi til undirbúnings námi á háskólastigi. Mögu­legt er einnig að taka viðbótarnámið samhliða fagnáminu.

Þarf að eiga sérstakan búnað fyrir námið?

Nemendur sem hefja nám í Véltækniskólanum verða að koma með eigin öryggisskó, hlífðargleraugu og heyrnahlífar sem skylt er nota í verklegu námi skólans og við aðra vinnu þar sem kennarar krefjast þess að nemendur noti hlífðarbúnað.

Áréttað skal að nemendum er með öllu óheimilt að vinna við vélar og tæki nema í skipulögðum áföngum þar sem kennari er til staðar.

Hvar vinna útskrifaðir nemendur úr Véltækniskólanum?

Vélstjórar og vélfræðingar starfa m.a. í verksmiðjum, á skipum, í orkuverum og þar sem gerðar eru kröfur um víðtæka þekkingu á vél- og tæknibúnaði. Vélstjórnarnám veitir réttindi til atvinnu um allan heim á skipum af öllum stærðum og gerðum, við fiskveiðar, flutninga eða á stærstu farþegaskipum.

Vélvirkjar starfa einkum í þjónustufyrirtækjum sem annast viðhald véla og vélbúnaðar, í framleiðslufyrirtækjum sem nýta vélar í starfsemi sinni, í verktakafyrirtækjum byggingastarfsemi og skipasmíða og í fyrirtækjum sem smíða vélar og vélbúnað.

Stálsmiðir starfa einkum hjá framleiðslu-, verktaka- og byggingafyrirtækjum sem hanna, smíða og gera við vélar, reisa mannvirki og viðhalda þeim, smíða, viðhalda og gera við skip og veita aðra þjónustu sem byggist á meðferð og meðhöndlun málma.

Rennismiðir starfa gjarnan á sérhæfðum rennismíðaverkstæðum sem jafnan eru annað tveggja deildir innan málm- og véltæknifyrirtækja eða sérstök þjónustu- og smíðafyrirtæki.

Hvernig kemst ég á starfssamning?

IÐAN fræðslusetur hefur sett á laggirnar vefsíðu – www.verknam.is – þar sem nemendur og fyrirtæki geta miðlað upplýsingum sín á milli þ.e.a.s. iðnmeistarar í leit að nema setja þar upp auglýsingar og nemar í leit að námssamning geta gert slíkt hið sama.

Sáttmál um eflingu vinnustaðanáms  – á vefsíðunni má sjá lista yfir fyrirtæki sem staðfest hafa sáttmálan.

Ég er með stúdentspróf, fæ ég það metið og hvað er námið þá langt?

Þú færð almennar greinar metnar og því styttist námið um allt að fjórðung.

Er námið lánshæft hjá LÍN?

Já, lánasjóðurinn veitir nánari upplýsingar. Sjá lista yfir lánshæft nám neðst á síðunni hjá LÍN.

Spurningar

Hafðu samband og við svörum þér um hæl!

  • This field is for validation purposes and should be left unchanged.
Var efnið á síðunni hjálplegt?
Frábært það eru góðar fréttir!