fbpx
en
Menu
en

Námsbraut

Flugvirkjun

Flugvirkjanám samkvæmt EASA Part-66, B1-1 fullt réttindanám.
Langar þig í nám sem býður mikla möguleika? Starfsmöguleikar bæði hérlendis og erlendis.

Kennsluform: Dagskóli
Lengd náms: 5 annir og 104 vikur starfsþjálfun

Innsýn í námið

Tækniskólinn hefur útskrifað nemendur í flugvirkjun sem starfa m.a. hjá Icelandair, Landhelgisgæslunni og Air Atlanta. Atvinnumöguleikar í stéttinni eru víða um land og líka erlendis, mikil endurmenntun er í stéttinni og alltaf eitthvað nýtt að tileinka sér.

Námið er allt kennt hér á landi í bekkjakerfi og skipt upp í 3 hluta; bóklegt, verklegt og vinnustaðanám. Að loknu skólanámi tekur svo við starfsþjálfun á launum, sjá annarskipulag brautar. Kennslan fer öll fram á ensku.

Kennsla hefst á haustin og aðeins eru teknir inn 25 nemendur á ári.

International study programme – see english version.

Brautarlýsing

FLV19 Flugvirkjun

Námið er fullt B1.1 réttindanám (2400 klst.) til sveins­prófs flugvirkja, með áritun til viðhalds á flugvélum útbúnum túrbínum.

Sótt er um námið á raf­rænt og er opið fyrir umsóknir frá miðri vorönn til loka maí ár hvert. Aðeins er tekinn inn einn hópur á ári og hefst námið í byrjun sept­ember. Að loknu náminu tekur við starfsnám sem er ekki hluti af þessu námi en veitir nem­anda heimild til að komast í slíkt starfsnám hjá samþykktum og viðurkenndum Part 145 viðhaldsaðila sem flugvirkjanemi.

Almennar upplýsingar

Inntökuskilyrði

Ein­ungis er inn­ritað í þetta nám á haustönn. Opnað er fyrir umsóknir um miðjan mars og rennur umsóknarfrestur almennt út 31. maí. Enn eru nokkur pláss laus í námið fyrir haustið 2021 og því verður áfram opið fyrir umsóknir út júlí 2021.

Þú þarft að hafa náð 18 ára aldri og hafa góða kunnáttu í ensku, bæði rit- og talmáli (enda er öll kennsla og kennsluefni á ensku), og ágæta kunnáttu í bæði stærðfræði og eðlisfræði. Segja má að gott sé að hafa lokið eins og tveimur áföngum í bæði ensku og stærðfræði (hvoru fagi) og einum í eðlisfræði eða náttúruvísindum í framhaldsskóla.

Þá þarftu að hafa hreint sakavottorð vegna bakgrunnskoðunarákvæðis reglugerðar um aðgengi að flugvöllum.

Að loknu námi

Námið er fullt B1.1 réttindanám (2400 klst.) til sveinsprófs flugvirkja, með áritun til viðhalds á flugvélum útbúnum túrbínum (í samræmi við kröfur EASA Part-66).

Skipulag námsins

Sótt er um námið rafrænt (umsóknarvefur Innu). Sækja um hnappur birtist hér á síðunni þegar innritun opnar en opið er fyrir umsóknir á vorönn ár hvert. Upplýsingar veitir Pétur Kristinn Pétursson pkp(hjá)tskoli.is.

Úrvinnsla umsókna fer fram eftir að umsóknarfresti lýkur og eru þeir innritaðir sem uppfylla inntökuskilyrði og greiða staðfestingargjaldið.

Aðeins er tekinn inn einn hópur á ári og hefst námið í byrjun september.

Námið er fullt 2400 klukkustunda nám. Kennt er alla virka daga frá 08:00 – 17:00 í staðbundnu námi og er það skipulagt sem þrír fasar:

  • Fasi 1 – Bóklegt nám – september til loka maí fyrsta veturinn.
  • Fasi 2 – Verklegt nám – september til janúar annan veturinn.
  • Fasi 3 – Verkstæðisnám – mars til desember annan og þriðja veturinn.

Að loknu náminu tekur við starfsnám sem er ekki hluti af þessu námi. Ofangreint nám veitir nemanda heimild til að komast í slíkt starfsnám hjá samþykktum og viðurkenndum Part 145 viðhaldsaðila sem flugvirkjanemi. Nemendur fá aðstoð við að komast í slíkt starfsnám.

Öll kennsla fer fram á Íslandi en á ensku. Fullbúin aðstaða er til verk- og bóklegrar kennslu í Reykjavík. Þá fer hluti námsins fram á Flugsafni Akureyrar og hjá viðhaldsfyrirtækjum.

Verð fyrir námið er kr 4.950.000.-. Innifalið í námsgjöldum er öll kennsla, efni og kennslugögn. Greiðslufyrirkomulag er með eftirfarandi hætti:

  • Kr. 300.000.- staðfestingargjald sem greiða skal í maí eftir að umsókn er samþykkt. Með greiðslu staðfestingargjalds skuldbindur nemandi sig til að hefja nám og standa skil á afgangi skólagjalda. Staðfestingargjald fæst hvorki endurgreitt eða er látið ganga upp í annað nám hjá skólanum ef nemandi hættir við eða skiptir um nám.
  • Kr. 740.000.- (x5) í fimm greiðslum sem greiða skal í upphafi hverrar annar (eindagi 5. september og 5. febrúar) (alls 3.700.000,-).
  • Kr. 950.000.- sem greiða skal í lok síðustu annar (fyrir útskrift) (eindagi 5. desember).

Nám þetta er alfarið fjármagnað af námsgjöldum og er skilvís greiðsla þessara gjalda forsenda þess að nemandi geti haldið áfram námi og útskrifast. Námið er lánshæft hjá Menntasjóðnum samkvæmt þeirra úthlutunarreglum.

FAQ

Spurt og svarað

Hvernig og hvenær sæki ég um námið?

Umsóknir fara fram hér á vefnum (sækja um nám – hnappur hér á síðunni).

Opnað er fyrir umsóknir um miðjan mars ár hvert.

Hvenær hefst námið?

Námið hefst á haustin ágúst/september – upplýsingar koma fram í viðburðadagatali.

Er námið lánshæft hjá LÍN?

Já, Menntasjóður lánar fyrir þessu námi og veitir nánari upp­lýs­ingar. Sjá lista yfir lánshæft nám á vefsíðu sjóðsins.

Hvar fer námið fram?

Allt námið er kennt hérlendis og fer kennsla fram á ensku.

Fullbúin aðstaða til verklegrar og bóklegrar kennslu er í Árleyni í Grafarvogi í Reykjavík og fer stærstur hluti námsins fram þar.

Einnig fer hluti námsins fram á Flugsafni Akureyrar og hjá viðhaldsfyrirtækjum. Athuga að nemendur þurfa sjálfir að sjá sér fyrir gistingu, ferðum fram og til baka og uppihaldi á þessum stöðum, s.s. á Akureyri.

Hvernig get ég undirbúið mig fyrir námið?

Til þess að auðvelda byrjunina í náminu er boðið upp á námskeið fyrir þá sem þurfa upprifjun og þjálfun í ensku, eðlisfræði og stærðfræði. Námskeiðin eru kennd í staðnámi.

Námskeið þessi eru haldin seinnipartinn í ágúst og eru í umsjón Endurmenntunarskóla Tækniskólans. Hægt að skrá sig á þau á umsóknarvefnum, umsokn.inna.is, þegar þau eru í boði.

Hvar fást verkfæri fyrir flugvirkja?

Íslenskar verslanir:

Erlendar verslanir:

Áhugaverðir tenglar á efni fyrir flugvirkja

Flugvirkjafélag Íslands, stofnað 1947 -Union of Icelandic Aircraft Maintenance Technicians

Tilgangur félagsins er að vernda hagsmuni íslenskra flugvirkja, að efla góða samvinnu þeirra og vinna að bættum kjörum þeirra, réttindum og vinnuskilyrðum, að stuðla að ráðningu atvinnulausra félaga, að stuðla að framförum í flugvirkjun og tryggja að flugvirkjar kunni sem best sitt starf og hafi sem víðtækasta þekkingu á öllu sem að flugvirkjun lýtur. Vefsíðu félagsins má skoða hér

Regluverk og framfylgjendur:

USA:

Flugvirkjun –  fræðsluefni:

Íslenskar viðhaldsstöðvar:

Spurningar

Hafðu samband og við svörum þér um hæl!

  • This field is for validation purposes and should be left unchanged.
Var efnið á síðunni hjálplegt?
Frábært það eru góðar fréttir!