fbpx
Menu

Námsbraut

Véltækni – dreifnám

Viltu taka áfanga með vinnunni til byrja í námi? Þá gæti dreifnám (nám með vinnu) í einum og einum áfanga verið eitthvað fyrir þig.

Í boði eru nokkrir áfangar í málm- og véltækninámi, bæði bóklegir og verklegir áfangar (með staðlotum). Ekki er um samfellt nám að ræða.

Kennsluform: Nám með vinnu

Innsýn í námið

Dreifnám – nám með vinnu

Nám með vinnu, dreifnám, er nám utan dagskóla sem sameinar kosti fjar- og kvöldnáms. Áfangi getur verið kenndur að öllu leyti í fjarnámi, að öllu leyti í staðbundnu námi eða að hluta í fjarnámi og hluta í staðbundnum lotum.

Í dreifnámi eru reglulega í boði fagáfangar af námsbraut til A-réttinda vélstjórnar (sem tilheyra líka málmiðngreinum og vélvirkjun) og fagáfangar sem nemendur í skipstjórn þurfa að taka. Áfangaframboð er mismunandi milli anna og útgefið fyrir eina önn í einu og fara áfangar í kennslu ef næg þátttaka næst (annars felldir niður í lok innritunartímabils).

Almenna námið á véltæknibrautum (raungreinar, íslensku og tungumál) má taka í fjarnámi í öðrum skólum (sjá t.d. fjarmenntaskólann) og fá metið (sjá nánar um mat á námi).

Skilyrði og dreifnámsáfangar

Inntökuskilyrði

Um skilyrði til innritunar í dreifnámsáfanga á námsbrautum málm- og véltæknináms gilda sömu skilyrði og við innritun í vélstjórnarnám A.

Í dreifnámi hefur þú heimild til að sækja um einn eða fleiri áfanga, allt að 30 einingum sem telst fullt nám. Umsóknir eru samþykktar svo fremi sem ofangreind inntökuskilyrði eru uppfyllt og reglur um undanfara einstakra áfanga (forkröfur).

Ef þú hefur annað nám eða starfs­reynslu að baki þá má vera að hægt sé að meta eitthvað af því og stytta þannig námið sem framundan er, sjá nánar.

Áfangar í dreifnámi

Eftirfarandi áfangar eru reglulega boðnir í dreifnámi – undirstrikuð áfangaheiti hafa skyldumætingu í staðlotur (bláir í boði 2020V og verða kenndir ef næg þátttaka næst):

  • HÖSK2VA04AV  Hönnun skipa (áður HSK102+HSK202)
  • KÆLI2VA05AV  Kælitækni 1 (áður KÆL122)
  • MLSU1VA03AV  Málmsuða 1 (áður MLS102+MLS202)
  • RAMV1VA04AV  Rafmagnsfræði 1 (áður RAF103)
  • RAMV2VA04BV  Rafmagnsfræði 2 (áður RAF253)
  • RAMV2VA04CV  Rafmagnsfræði 3 (áður RAF353)
  • SMÍÐ1VA04AV  Málmsmíðar 1 (áður SMÍ104)
  • STÝR1VA04AV  Stýritækni loft- og vökva (áður STÝ102+STÝ202)
  • VÉLF1VA04AV  Vélfræði 1 (áður VFR113)
  • VÉLG1SB04AV  Vélgæsla 1 (smáskipavélavörður 750 kW <12m)
  • VÉLG2SC04BV  Vélgæsla 2, framhald (aukin í <24m)
  • VÉLS1VA04AV  Vélstjórn 1 (áður VST103)
  • VÉLS2VA04BV  Vélstjórn 2 (áður VST204)
  • VÉLV3VA04AV  Viðhald véla – vélvirkjun (áður VIR104)
  • VÖRS1VB04AV  Viðhalds-, gæða- og öryggisstjórnun (áður VIÐ102+ÖRF101)

Um námið og umsóknir

dreifnám

Opið er fyrir umsóknir í dreifnám seinnpart sérhverrar annar og er þá sótt um nám fyrir næstu önn á eftir. Auglýst er hér á vef skólans hvenær opnað er fyrir umsóknir.

Ef umsóknir um áfanga eru margar þá eru leyfðar yfirbókanir. Unnið er úr umsóknum eftir þeirri reglu að fyrstur kemur – fyrstur fær, að teknu tilliti til reglna um forkröfur.

Athugið að þó að áfangi sé í umsóknarkerfinu þýðir það ekki endilega að áfangi verði kenndur, fjöldi umsókna í einstaka áfanga ræður því hvort þeir fari af stað og verða umsækjendur upplýstir um það í lok innritunartímabilsins.

Sjá nánari leiðbeiningar fyrir umsóknarvefinn.

Í staðlotum er verklegur hluti námsins kenndur og um leið fer gjarnan fram námsmat þannig að skyldumæting er í þær. Kennsla í staðlotum fer fram í Sjómannaskólanum Háteigsvegi og/eða við Flatahraun í Hafnarfirði.

Mikilvægt er fyrir nemendur, sem vinna þannig vinnu með námi að þeir komast ekki í staðlotur hvenær sem er, að kynna sér vel dagsetningar þeirra og velja áfangahópa sem hafa staðlotur á þeim dögum sem þeir komast frá.

Tímatafla/skipulag staðlota og námskeiða vor 2020 (með fyrirvara um breytingar)

Tímatafla / skipulag á staðlotum haustið 2019 (með fyrirvara um breytingar).

Bóklegur hluti námsins fer fram á kennsluvef skólans (INNU) en verklegur hluti þess í staðbundnum námslotum (staðlotum).

Á kennsluvef koma fram námsáætlanir og er lesefnið í mörgum tilvikum aðgengilegt eða tilvísun til þess (bóka og rafbóka), fyrirlestrar eru gjarnan birtir og kennslumyndskeið eru í mörgum tilvikum notuð.

Lögð eru fyrir verkefni og próf sem jafnframt er skilað á sama stað og allar einkunnir og upplýsingar til nemenda koma fram á kennsluvefnum.

Námsmat er fjölbreytt og er stöðugt verið að leggja mat á þekkingu nemandans á meðan á námi stendur með verkefnum og prófum. Prófin má í mörgum tilvikum taka utan skóla en einnig getur verið nauðsynlegt að mæta á viðurkenndan prófstað. Nánari leiðbeiningar um framkvæmd námsmats má finna hér.

Nemendur eru hvattir til að fylgjast vel með skiladagsetningum verkefna og prófa og gera ráðstafanir tímanlega varðandi próftöku.

Umsagnir

Skoða skólalífið

Rafnar Snær Baldvinsson lauk námi árið 2018

Vélstjórnarnámið er mjög fjölbreytt, inniheldur mikið af nytsamlegum upplýsingum og hefur frábæra kennara sem miðla þekkingu eins og þeim einum er lagið.

Þetta nám opnar margar dyr og gerir að verkum að það sé fátt sem að flækist fyrir manni í framtíðinni.

Ég mæli eindregið með þessu námi ef að þú ert forvitin/n um virkni hluta og/eða viðgerðir.

Valdimar Árnason lauk námi í flugvirkjun haustið 2019.

Í byrjun árs 2017 var komið að því, ég ætlaði að gera eitthvað meira en bara vinna. Mig langaði að gera eitthvað sem ég hafði virkilega áhuga á. Var búinn að velta þessu fyrir mér í kannski tvö ár og svo sá ég auglýsingu á Facebook fyrir flugvirkjanám Tækniskólans. Auglýsingin poppaði auðvitað upp á mínum skjá því ég hef haft brennandi áhuga á flugvélum síðan ég var 4 ára og er með fullt að flugvélatengdum síðum á Facebook.

Ég sé ekki eftir að hafa sótt um þetta sérnám því ég kynntist fólki frá öllum stéttum samfélagsins. Fólk sem hafði mismikinn áhuga en vildi gera það sama og ég, finna sér eitthvað sem væri öðruvísi en þau höfðu verið að vinna við. Gaman var að fylgjast með þeim öllum fá aukinn áhuga fyrir þessum tækjum háloftanna með mér.

Námið er skemmtilegt og mjög fjölbreytt en á köflum ansi strembið og voru flestir kennararnir mjög færir að einfalda efnið fyrir manni. Það sem ég tek úr þessu er auðvitað námið og kunnátta mín að leysa vandamál en þessi  tvö ár með bekkjarfélögunum stendur upp úr. Tveir mánuðir fyrir norðan á Akureyri í verklegu námi virkilega þéttu hópinn og er maður heppinn að hafa eignast svona marga vini.

Núna erum við flest að finna okkur störf og mörg fyrir utan landsteinana vegna þess að námið er gilt út um allan heim. Ég er t.d. kominn með starf í Þýskalandi ásamt 10 öðrum sem erum að fá samninga í útlöndum.

Sigurður sem útskrifaðist í vor er kominn í nám í Háskólanum í verkfræði.

Sigurður sem útskrifaðist í vor er kominn í nám í Háskólanum í verkfræði. "Fjölbreytnin í náminu er góður grunnur. Ég finn að ég stend betur að vígi en margir sem eru með mér í verkfræðináminu hér í háskólanum."

Spurningar

Hafðu samband og við svörum þér um hæl!

  • This field is for validation purposes and should be left unchanged.
Var efnið á síðunni hjálplegt?
Frábært það eru góðar fréttir!