fbpx
Menu

Námsbraut

Skipstjórn, námsstig A

Atvinnuréttindi skipstjórnar á skipum sem eru styttri en 24 metrar. Námsbraut til A-réttinda er fyrst og fremst fagnám til að öðlast skipstjórnar­rétt­indin og ekki hugsuð fyrir nemendur sem ætla í lengra nám (velji þá námsbraut til B eða C réttinda).

Kennsluform: Dagskóli - hægt að taka áfanga í fjarnámi
Lengd náms: 2 annir

Innsýn í námið

24 m skipstjórnarréttindi

Með náminu aflar þú þér atvinnuréttinda til starfa á skipum syttri en 24 metrar (að loknum siglingatíma).

Námsbraut til A-réttinda er fyrst og fremst fagnám til að öðlast þessi tilteknu skipstjórnarréttindi og ekki hugsuð fyrir nemendur sem ætla í lengra nám (þeir velji námsbraut til B eða C réttinda). Aldurstakmark er 20 ár og gert er ráð fyrir að atvinnuþátttaka hafi veitt nemanda þann grunn sem þarf til að takast á við námið. Jafnframt er vakin athygli á atvinnuréttindanámskeiði til að starfa á skipum styttri en 12 m (smáskipapróf) og svo skemmtibátaprófi sem veitir heimild til að sigla skipum allt að 24 m lengd en þó ekki í atvinnuskyni (mótor- og seglbátar, má sigla með farþega en ekki gegn gjaldi).

Námið er bæði bóknám og verknám og er kennt í Reykjavík (Háteigsvegi). Innritun inn námið er opin bæði á haustönn og vorönn. Meðalnámstími í skóla er 2 annir.

Sjá áfanga- og annarskipulag á námsbrautarsíðu, auk þess sem nám með vinnu (dreifnám) er í boði í mörgum áföngum.

Almennar upplýsingar

Inntökuskilyrði

Umsækj­endur þurfa að hafa náð 20 ára aldri við inn­ritun. Gert er ráð fyrir að atvinnuþátttaka fram að því veiti nemanda þann grunn sem þarf til að takast á við þetta nám og því er reynsla af sjómennsku mjög æskileg.

Athuga að þessi námsbraut til A-réttinda er fyrst og fremst fagnám til að öðlast þessi tilteknu skipstjórnarréttindi og ekki hugsuð fyrir nemendur sem ætla í lengra nám (þeir velji námsbraut til B eða C réttinda).

Ef þú hefur annað nám eða starfs­reynslu að baki þá má vera að hægt sé að meta eitthvað af því og stytta þannig námið sem framundan er, sjá nánar.

 

Að loknu námi

Þú öðlast rétt til að fá útgefið skírteini sem ýmist stýrimaður eða skipstjóri að loknum siglingatíma og öryggisfræðslu – fyrir þetta rétt­inda­stig geta réttindin verið stýrimaður og skipstjóri á skipum styttri en 24 m að skráningarlengd í strandsiglingum og innanlandssiglingum, og undirstýrimaður á skipum styttri en 45 m í innanlandssiglingum.

Vakin er athygli á atvinnuréttindanámskeiði til að starfa á skipum styttri en 12 m (smáskipapróf) og svo skemmtibátaprófi sem veitir heimild til að sigla skipum allt að 24 m lengd en þó ekki í atvinnuskyni (mótor- og seglbátar, má sigla með farþega en ekki gegn gjaldi) – viltu kannski byrja þar?

Brautarlýsing

Verkefni nemenda

Skipstjórnarverkefni

Siglingarpróf

Allir útskriftarnemendur skila inn ýmsum fjölbreyttum verkefnum.

Umsagnir

Skoða skólalífið

"Ég hef alltaf verið mikið fyrir að ferðast og siglingar verið áhugamál lengi."

FAQ

Spurt og svarað

Er hægt að taka stúdentspróf með náminu?

Náms­braut til A-rétt­inda er fyrst og fremst fagnám til að öðlast skipstjórnarréttindin og ekki hugsuð fyrir nem­endur sem ætla í lengra nám. Þeir nem­endur ættu frekar að velja náms­braut fyrir B-rétt­indi (með stúdentsleið) eða C-réttindi sem lýkur með stúd­ents­prófi.

Er námið lánshæft?

Lánasjóður íslenskra námsmanna veitir allar upplýsingar um lánshæfi náms á www.lin.is eða í síma 560 4000.

Hvar fer kennslan fram?

Kennsla í skipstjórn fer fram í Sjómannaskólanum Háteigsvegi.

Þarf ég að vera með verkfæri eða annan útbúnað?

Nemendur sem hefja nám í Skipstjórnarskólanum verða að koma með eigin öryggisskó, hlífðargleraugu og heyrnahlífar sem skylt er nota í verklegu véltækninámi skólans og við aðra vinnu þar sem kennarar krefjast þess að nemendur noti hlífðarbúnað.

Er mætingarskylda?

Er nemendafélag?

Í Tækniskólanum er öflugt og fjölbreytt félagslíf. Innan hvers skóla er starfandi skólafélag sem heldur utan um félagslíf skólans, klúbba, keppni innan og utan skólans og aðrar uppákomur. Þannig hafa nemendur í skipstjórn á Háteigsvegi með sér félag sem heldur uppi félagslífi. Nemendur sjá sjálfir um að móta, þróa og byggja upp þetta starf.

Netfang félagsins er [email protected].

Saman mynda nemendafélög í Tækniskólanum – Nemendasamband Tækniskólans, NST.

Hér má lesa nánar um félagslíf Tækniskólans.

Hvað kostar námi í skipstjórn?

Fyrir dagnámið er greitt fast gjald fyrir eina önn í einu, sjá gjaldskrá Tækni­skólans. Fyrir áfanga í dreif­námi er greitt ein­inga­gjald fyrir sér­hvern áfanga og eitt skrán­ing­ar­gjald á umsókn.

Er nám úr öðrum skólum metið, t.d. áfangar eða stúdentspróf?

Já, almennir fram­halds­skóla­áfangar eru almennt metnir og ein­hverjum til­vikum nám úr háskólum og sér­skólum sem tengjast fagáföngum námsins (fagáfangar). Í skipstjórnar­rétt­indum A eru þó engir almennir áfangar, en fagáfanga er mögulega hægt að meta úr öðru sam­bæri­legu námi, t.d. sjávarútvegsfræðum. Sjá nánar hér.

Er hægt að fá áfanga metna í raunfærnimati?

Já, þeir sem hafa náð 23 ára aldri og hafa 3 ára staðfesta starfsreynslu í skipstjórnargreinum geta farið í raunfærnimat. Raunfærnimat er unnið í samstarfi við Fræðslumiðstöð atvinnulífsins og er gengið út frá að eðlilegt sé að meta færni sem til staðar er óháð því hvernig hennar hefur verið aflað.

Nokkrar greinar eru metnar í raunfærnimati og getur það stytt námstímann eða auðveldað nemendum að taka það sem vantar upp á réttindin með vinnu. Sjá nánar hér.

Spurningar

Hafðu samband og við svörum þér um hæl!

  • This field is for validation purposes and should be left unchanged.
Var efnið á síðunni hjálplegt?
Frábært það eru góðar fréttir!