Námsbraut
Tölvubraut
stúdentspróf
Tölvubraut Tækniskólans er ein vinsælasta braut skólans. Þar læra nemendur m.a. vélmennaforritun, tölvuleikjagerð, kerfisstjórnun og vefsíðugerð. Mikil áhersla er lögð á að nemendur nái góðum tökum á tölvutækni á sem flestum sviðum. Tölvubrautin undirbýr nemendur til frekara náms á háskólastigi svo sem á sviði tölvunar-, tækni- og verkfræði.
Innsýn í námið
Forritun, tölvuleikjagerð, kerfisstjórnun, vélmenni, vef- og viðmótsþróun.
Námið er verkefnamiðað og nemendur vinna að raunverulegum úrlausnum. Jafnframt undirbýr námið þá fyrir próftöku í alþjóðlegum vottunum í upplýsingatækni frá; Cisco, Linux Professional Institute, CompTIA og Microsoft.
Tölvubrautin er í samstarfi við alþjóðlega tæknifyrirtækið Cisco. Nemendur eiga greiða leið í nám á háskólastigi og eru eftirsóttir starfsmenn í atvinnulífinu.
Kennarar tölvubrautar hafa sett upp vefsíðu um námið og áfanga brautarinnar.
Skoða kynningarsíðu tölvubrautar
Almennar upplýsingar
Inntökuskilyrði
Miðað er við að umsækjendur hafi lokið grunnskóla með lágmarkseinkunn B í ensku, stærðfræði og íslensku.
Æskilegt er að nemendur eigi fartölvu (yngri en tveggja ára og ekki spjaldtölvu eða Chromebook). Diskstærð þarf að vera að lágmarki 100GB og vinnsluminni að lágmarki 4GB.
Hægt er að fara í raunfærnimat og ef viðkomandi er orðinn 23 ára og hefur starfað í tölvugeiranum lengur en í þrjú ár, þá er mögulegt að athuga hvort þekking og færni fæst metin til eininga á brautinni.
Hægt er að skrá sig í raunfærnimat á vefsíðu Framvegis.
Að loknu námi
Nemendur sem útskrifast af tölvubraut eiga greiða leið í nám á háskólastigi og eru eftirsóttir starfskraftar í atvinnulífinu.
Brautin býr nemendur sérstaklega undir nám í háskóla á sviði tölvunarfræði, vefþróun, tækni- og verkfræði.
Verkefni nemenda
Tölvubraut
– vélmennaforritun
2. sætið í HM í vélmennaforritun
Nemendur á tölvubraut skólans voru í 2. sæti í HM í vélmennaforritun sem fram fór í Mexíkó. Flottir nemendur sem bera náminu á tölvubraut skólans gott vitni.
Tölvutækni
– tölvubraut
Fyrsta lið Tölvubrautar í FIRST Global
Nemendur á Tölvubraut skólans kepptu í First Global – HM í vélmennaforritun í fyrsta sinn árið 2017.
FAQ
Spurt og svarað
Hvað kostar námið?
Sjá upplýsingar um skólagjöld í gjaldskrá Tækniskólans.
Er námið lánshæft?
Á síðu LÍN – Lánasjóðs íslenskra námsmanna – Sjá má lista neðst á síðunni – þar eru upplýsingar um lánshæft nám að uppfylltum kröfum lánasjóðsins.
Eru efnisgjöld?
Nei, efnisgjöld eru innifalin í skólagjöldum.
Hvenær hefst kennsla?
Sjá upplýsingar í skóladagatali hér á vefnum.
Hvar fer kennslan fram?
Í Hafnarfirði Flatahrauni og í Vörðuskóla Skólavörðuholti.
Er mætingarskylda?
Já, nánari reglur um skólasókn er að finna hér á vefnum.
Er nemendafélag?
Upplýsingar um félagslíf og nemendafélag eru á síðu um félagslíf.