fbpx
Menu

Námsbraut

Fatatækni

Hefur þú áhuga á fötum og tísku?
Þú lærir undirstöðuatriðin í saumaskap og getur að því loknu starfað sem fatatæknir eða farið í áframhaldandi nám í fataiðngreinum eða hönnun.

Kennsluform: Dagskóli
Lengd náms: 4 annir og 8 vikur starfsþjálfun

Innsýn í námið

Góður grunnur

Meginmarkmið námsins er að gera þér kleift að öðlast þá undirstöðuþekkingu, leikni og hæfni sem þarf til að starfa sem fatatæknir við saumaskap og ýmsa þjónustu tengda fatnaði og tísku.

Námið er undanfari náms í löggiltu iðngreinunum kjólasaumi og klæðskurði. Þetta grunnnám tekur tvö ár.

Brautarlýsing

FAT18 - Fatatækni

Fatatækni er tveggja ára nám á 2. þrepi fyrir þá sem hafa áhuga á að kynnast heimi fata og tísku og vilja búa sig undir störf í atvinnulífi eða áframhaldandi nám, m.a. sérnám til sveinsprófs í fataiðngreinum. Það er þörf fyrir fatatækna víða í atvinnulífinu svo sem í fata- og vefnaðarvöruverslunum, heildsölu og við margs konar sýningar. Fatatæknar geta ennfremur sinnt ýmsum saumastörfum undir fagstjórn sveina og meistara í fataiðn, haft umsjón með búningum í leikhúsum, við kvikmyndagerð o.fl. Að loknu námi í fatatækni hefur nemandi, að uppfylltum kröfum um starfsþjálfun, rétt til að hefja iðnnám til sveinsprófs í kjólasaumi eða klæðskurði.

Almennar upplýsingar

Inntökuskilyrði

Til að hefja nám í fatatækni þarf að hafa lokið 1. þreps áföngum í íslensku, ensku og stærðfræði eða vera með grunnskólaeinkunina B.

Ef umsækjandi nær ekki að uppfylla þessi skilyrði stendur honum til boða að taka þá áfanga á 1. þrepi sem hann vantar.

Skipulag námsbrautar

Að loknu námi

Meginmarkmið námsins er að gera nemendum kleift að öðlast þá undirstöðuþekkingu, leikni og hæfni sem þarf til að starfa sem fatatæknir við saumaskap og ýmsa þjónustu tengda fatnaði og tísku.

Úr fatatækni geta nemendur haldið áfram í tvö ár og tekið lokapróf í kjólasaum/klæðskurði.

Eftir útskrift úr klæðskurði eða kjólasaum geta nemendur tekið sveinspróf í greininni sem er löggilt iðngrein og geta starfað sem sveinn í iðngreininni.

 

Skipulag náms

Meðalnámstími er fjórar annir í skóla og átta vikna starfsþjálfun.

Hér er að finna vinnuvottorð um starfsþjálfun vegna náms í fatatækni á framhaldsskólastigi við fataiðnbraut Hönnunar- og handverksskóla Tækniskólans.

Íslenskt vottorð 

Enskt vottorð

FAQ

Spurt og svarað

Hvernig sæki ég um?

Sækja um hnappur er hér á síðunni.

Hvað kostar námið?

Sjá upplýsingar um skólagjöld í gjaldskrá Tækniskólans.

Er námið lánshæft?

Á síðu Menntasjóðs námsmanna eru upplýsingar um lánshæft nám að uppfylltum kröfum sjóðsins.

Eru efnisgjöld?

Nei, efnisgjöld eru innifalin í skólagjöldum.

Hvenær hefst kennsla?

Sjá upplýsingar í skóladagatali Tækniskólans.

Hvar fer kennslan fram?

Kennslan í fatatækni fer fram á Skólavörðuholti.

Nánari upplýsingar um staðsetningu og húsnæði Tækniskólans.

Er mætingarskylda?

Já, hér má sjá nánari reglur um skólasókn í Tækniskólanum.

Get ég tekið stúdentspróf af brautinni?

Nemandi sem er í starfsnámi á framhaldsskólastigi á kost á viðbótarnámi til undirbúnings námi á háskólastigi. Slíku námi lýkur með stúdentsprófi.

Er nemendafélag?

Nánari upplýsingar um félagslíf og nemendafélög Tækniskólans.

Spurningar

Hafðu samband og við svörum þér um hæl!

  • This field is for validation purposes and should be left unchanged.
Var efnið á síðunni hjálplegt?
Frábært það eru góðar fréttir!