Jarðvirkjun er nýtt starfsheiti yfir þá sem vinna hjá jarðverktökum við m.a. landmótun, uppgröft, efnisflutning, jarðlagnavinnu, undirbúning vega, yfirborðsfrágang og sambærileg verk. Þetta er heildstætt nám fyrir þá sem hyggjast vinna í þessum starfsgreinum og fyrir þá sem nú þegar eru starfandi.
Námið veitir innsýn í verkferla, tækni og atvinnulíf fyrirtækja í þessari starfsgrein. Í náminu er farið í hagnýt verkefni, bæði bókleg og verkleg, sem eru að miklu leyti einstaklingsmiðuð og eru í takti við þarfir atvinnulífsins.
Í náminu er lögð mikil áhersla á nýjustu tækni og er talsverð verkleg kennsla í náminu. Kennt er á fullkomna herma í húsnæði Tækniskólans í Hafnarfirði en frekari starfsþjálfun fer svo fram í samvinnu við jarðvinnuverktaka.
Við kennslu nýtur skólinn aðstoðar sérfræðinga sem koma víðs vegar að úr atvinnulífinu og aðstoða þeir einnig við þróun og uppbyggingu námsins.
Innritun er bæði að hausti og vori. Nemendur geta komið beint úr grunnskóla og allir þeir sem eru yngri en 18 ára eru í almennum grunni ásamt fagnámi.
Í grunni eru m.a. íslenska, stærðfræði, enska, lífsleikni og íþróttir. Í boði er að velja ýmsa fagáfanga með, s.s. í málm-, raf- eða véltækni. Þá stendur nemendum til boða að bæta við sig meira almennu námi og ljúka að lokum stúdentsprófi af fagbraut jarðvirkjunar.
Nám í jarðvirkjun veitir aðgang að fjölbreyttum störfum í mannvirkjagerð, undirbúningi, skipulagningu, jarðmótun, flutningi, lagnavinnu og yfirborðsfrágangi.
Í náminu öðlast nemendur vinnuvélaréttindi, réttindi í merkingu vinnusvæða auk skyndihjálparskírteinis.
Sjá upplýsingar um skólagjöld Véltækniskólans í gjaldskrá Tækniskólans.
Nei, efnisgjöld eru innifalin í skólagjöldum.
Sjá upplýsingar um skóladagatal og viðburði.
Höfuðstöðvar námsins eru í Tækniskólanum á Flatahrauni í Hafnarfirði þar sem bókleg kennsla og hluti verklegrar kennslu fer fram. Seinna með er stefnt á að hægt verði að taka hluta bóklega námsins í fjarnámi.
Þegar nemendur eru samþykktir í námið er farið yfir námsferilinn þeirra og starfsferil, ef því er að skipta, með það að markmiði að meta alla þekkingu, leikni og hæfni nemenda. Markmiðið er að nemendur læri eitthvað nýtt á hverjum degi og bæti við þá menntun og reynslu sem þeir hafa aflað sér fram til þessa.
Já, jarðvirkjun er iðnnám, en þetta er ekki löggilt iðngrein. Um námið eða hæfni eru því ekki til hæfnikröfur starfa. Uppsetning og innihald námsins er gerð í nánu samstarfi við fulltrúa atvinnulífsins og námi lýkur með burtfararskírteini frá skólanum.
Já, námið er eins og hvert annað nám á framhaldsskólastigi. Nemendur ættu að geta fengið almennan hluta þess (eins og íslensku, stærðfræði og lífsleikni) metnar til eininga í þessum greinum. Stór hluti námsins er hins vegar fagnám í jarðvinnu og meðferð vinnuvéla sem ekki er í boði í öðrum skólum en má væntanlega í einhverjum tilvikum meta inn sem valeiningar á framhaldsskólabrautum.
Nei, markmiðið er að bjóða upp á sveigjanlegt námsform sem gæti hentað með vinnu. Fyrir yngri hópinn er náminu stillt upp sem samfelldum pakka en eldri nemendur (18+) eiga að hafa tækifæri til að taka hæfilegt nám með vinnu eða einstök námskeið.
Já, reynt er að meta allt fyrra nám og reynslu á móti þeim áföngum sem kenndir eru í jarðvirkjun.