Nemendasamband Tækniskólans er í daglegu tali kallað NST. NST eru regnhlífarsamtök sem halda utan um félagsstarf og hagsmunamál nemenda.
Hér er hægt að skoða viðburði framundan og þú getur líka boðið þig fram í ákveðin verkefni – við erum alltaf að leita að nemendum í alls konar störf.
NST heldur úti eigin vefsíðu og má finna á Instagram, Discord og Facebook! Öll velkomin að taka þátt ♥
Á þessari síðu eru nánari upplýsingar um NST t.d. miðstjórn NST, klúbbana okkar, nefndir og nemendafélög.
Stjórn NST hefur yfirumsjón með öllu félagsstarfi t.d. viðburðum eins og árshátíðarviku og söngkeppninni Átótjúne. NST passar líka upp á réttindi og hagsmuni nemenda. Innan Nemendasambandsins starfa síðan nefndir, nemendafélög og klúbbar. Þessi félög starfa sjálfstætt en í samvinnu við stjórn NST að bættu félagslífi nemenda Tækniskólans.
Forseti – Æsa Margrét Sigurjónsdóttir
Varaforseti – Sigrún Ólafsdóttir
Gjaldkeri – Teitur Freyr Freysson
Meðstjórnendur
Grímur Jensen Arnarson, Kolbeinn Tumi Árnason, Kristín María Guðnadóttir, Kristófer Birgisson, Tinna Ýr Daníelsdóttir og Victoría Takacs Ásgeirsdóttir
Allir nemendur í Tækniskólanum geta stofnað klúbb. Stjórn NST aðstoðar t.d. að finna aðstöðu í skólanum, fá spil og þess háttar. NST styrkir klúbba jafnvel ef fjármagn leyfir.
ENIAC, skólafélagið á Háteigsvegi, heldur klúbbakvöld þar sem klúbbar skólans hittast á sama tíma. Alla miðvikudaga kl. 17:00 á Háteigsvegi – nema þegar það er ekki skóli (s.s. á námsmatsdögum). Klúbbar vikunnar eru auglýstir á Discord server ENIAC – fylgstu með þar!
Klúbbar skólaárið 2024–2025
Endilega fylgstu með á Discord!
Leikfélagið Mars stendur fyrir leiklistarnámskeiði og leiksýningu á ári hverju.
Heiður er félag hinsegin nemenda í Tækniskólanum. Félagið er hagsmuna- og skemmtifélag og sér meðal annars um hittinga og viðburði í öruggu umhverfi. Fylgdu félaginu á Instagram eða haft samband með tölvupósti ef spurningar vakna.
Stjórn félagsins skipa:
Helgi Gröndal Victorsson – Hann/hán/þau
Daníel Ingi Eyjólfsson –
LNT skipuleggur LAN Tækniskólans sem fer fram einu sinni á önn, ýmist í matsal skólans við Skólavörðuholt eða í íþróttahúsinu við Digranes.
FRÍS, eða Framhaldsskólaleikar RÍSÍ, er rafíþróttakeppni íslenskra framhaldsskóla sem haldin var í fyrsta sinn vorið 2021. Tækniskólinn er tvöfaldur sigurvegari í FRÍS og stóð uppi sem sigurvegari árin 2021 og 2022. Lið skólans komst í undanúrslit í Framhaldsskólaleikunum 2023 en keppnin er haldin á vorönn.
Æfingar eru í umsjón Vigfúsar Karls Steinssonar en lið skólans æfir reglulega og hittist á vikulegum fundum.