Námsbraut
Hársnyrtiiðn
Langar þig að verða hársnyrtir?
Í náminu öðlast þú þekkingu, leikni og hæfni sem er nauðsynleg í hársnyrtiiðn.
Hárgreiðsla, klipping, rakstur og litun – skapandi fag í líflegu starfsumhverfi.
Innsýn í námið
Námið hefst á grunnbraut sem tekur að jafnaði þrjár annir. Þar eru allar almennar greinar kenndar auk grunnáfanga hársnyrtiiðnar. Næst tekur við framhaldsbraut hársnyrtiiðnar þar sem námið er verkefnabundið og þá fléttast saman nám í skóla og á vinnustað.
Heildarnámstími er að jafnaði 3–4 ár að grunnbraut meðtalinni. Nám og kennsla í hársnyrtiiðn miðast við að veita almenna, faglega undirstöðumenntun í greininni, auka færni nemenda í meðferð hársnyrtivara og beitingu áhalda og tækja. Leitast er við að þjálfa sjálfstæð vinnubrögð nemenda og auka hæfileika og getu þeirra til samvinnu við aðra.
Brautarlýsing
HG16 – Hársnyrtiiðn
Grunnbraut í hársnyrtiiðn er þriggja anna nám. Nemendur kynnast grunnhandtökum í hársnyrtingu og klára alla almenna bóklega áfanga á hársnyrtibraut. Í þessum hluta námsins eru verkefnin mestmegnis unnin á æfingahöfuð og hártoppar notaðir til kennslu.
Hársnyrtibraut. Nám í hársnyrtiiðn er 240 einingar og eru námslok á 3. hæfniþrepi. Markmið námsins er að ná færni til að veita alhliða þjónustu á fjölbreyttum starfsvettvangi greinarinnar og hafa hæfni til að bregðast við tískusveiflum á markaðnum. Hársnyrtar vinna í mikilli nálægð við viðskiptavini sína og því er mikilvægt að efla samskiptafærni og getu til þess að öðlast skilning á þörfum viðskiptavina af ólíkum toga. Lögð er áhersla á gæðavitund, þjónustulund og siðfræði fagsins í víðum skilningi.
Almennar upplýsingar
Inntökuskilyrði
Til að hefja nám á hársnyrtibraut þarf að hafa lokið 1. þreps áföngum í íslensku, ensku og stærðfræði eða grunnskólaeinkunn B. Ef umsækjandi nær ekki að uppfylla þessi skilyrði stendur honum til boða að taka þá áfanga á 1. þrepi sem hann vantar.
Að loknu námi
Markmið námsins er að gera nemendur færa um að veita þá alhliða þjónustu sem er í boði á hársnyrtistofum á hverjum tíma. Náminu lýkur með sveinsprófi sem veitir rétt til starfa í iðninni og til inngöngu í nám til iðnmeistaraprófs.
Fullnuma hársnyrtir getur starfað á hársnyrtistofum hér á landi og erlendis, við fjölmiðla, leikhús, heildsölur og sýningar ýmiskonar. Einnig er möguleiki á framhalds- og viðbótarmenntun og sérhæfingu á ýmsum sviðum.
Verkefni nemenda
Halloween
hárgreiðslur
Hrekkjavökuhárgreiðslur á útskriftarsýningu í hársnyrtiiðn
Útskriftarnemendur í hársnyrtiiðn sýndu listir sínar í lokaverkefnum þar sem þau sóttu innblástur í hrekkjavökuna.
Trúðar, fantasía og stórkostlegt hár
Glæsilegar og listrænar hárgreiðslur á útskriftarsýningu í hársnyrtiiðn
Útskriftarnemendur sýndu frábært handverk og mikla sköpunargáfu.
Fjölmenni fylgdist með og sjá má stemminguna sem ríkti á sýningunni í myndagallerýinu.
Stofudagar
- Stofudagar, karladagar og konudagar
Allir velkomnir í hársnyrtingu á stofudögum:
Í viðburðadagatali er hægt að finna upplýsingar um þessa daga og hér má skoða verðskrá.
Fyrstur kemur, fyrstur fær og afgreitt er eftir númerum.
Verið velkomin!
Síminn á hársnyrtigangi er 514 9182.
FAQ
Spurt og svarað
Hvað kostar námið?
Sjá upplýsingar um skólagjöld í gjaldskrá Tækniskólans.
Einnig þurfa nemendur að kaupa sér verkfæri og tæki til að nota í verklegum tímum og getur kostnaður við það verið allt að 150.000 kr. í upphafi. Þessir hlutir nýtast gegnum allt námið, aðeins þarf að kaupa hausa til viðbótar á flestum önnum og einstaka áhald.
Hér má sjá lista yfir nauðsynlega hluti.
Er námið lánshæft?
Lánasjóður íslenskra námsmanna veitir allar upplýsingar um lánshæfi náms á www.lin.is eða í síma 560 4000.
Eru efnisgjöld?
Nei, efnisgjöld eru innifalin í skólagjöldum.
Hvenær hefst kennsla?
Sjá upplýsingar í skóladagatali Tækniskólans.
Hvar fer kennslan fram?
Kennslan á Hársnyrtibraut fer fram á Skólavörðuholti.
Nánari upplýsingar um staðsetningu og húsnæði Tækniskólans.
Þarf ég að vera með verkfæri?
Já, þegar nemendur hefja nám á hársnyrtibraut þá þurfa þeir að festa kaup á áhöldum, bókum og hári fyrir verklegu áfangana. Þeir fá í hendur lista yfir þessa hluti og leiðbeiningar um hvar þeir fást. Mjög mikilvægt er að nemendur kaupi þessa hluti í fyrstu kennsluviku þar sem ekki er mögulegt að hefja námið án þess. Kostnaður fyrir verklegu áfangana getur orðið um 150.000kr. í upphafi. Þessir hlutir nýtast gegnum allt námið, aðeins þarf að kaupa hausa til viðbótar á flestum önnum og einstaka áhald.
Hér má sjá lista yfir nauðsynlega hluti.
Er mætingarskylda?
Já, hér má sjá nánari reglur um skólasókn í Tækniskólanum.
Get ég tekið stúdentspróf af brautinni?
Nemandi sem er í starfsnámi á framhaldsskólastigi á kost á viðbótarnámi til undirbúnings námi á háskólastigi. Slíku námi lýkur með stúdentsprófi.
Er nemendafélag?
Nánari upplýsingar um félagslíf og nemendafélög Tækniskólans.
Hvernig sæki ég um?
Sækja um hnappur er hér á síðunni.