Nemendur, kennarar og aðrir starfsmenn í Tækniskólanum geta sótt um styrki til að fara til Evrópulanda til að taka þátt í verkefnum og námskeiðum tengdum sínum faggreinum. Einnig er hægt að sækja um styrk til að fara í starfsþjálfun í framhaldi af námi í Tækniskólanum. Tækniskólinn er virkur þátttakandi í Erasmus+ verkefni Evrópusambandsins sem styrkir menntun, þjálfun, æskulýðsstarf og íþróttir í Evrópu.

Ávinningur af erlendum samskiptum af þessu tagi er mikill, nemendum gefst kostur á að öðlast skilning á sínu fagi í alþjóðlegu samhengi auk reynslu af því að búa og starfa á erlendri grund.

Samstarfið

Á hverju ári sendir Tækni­skólinn nem­endur og kennara til annarra landa til að taka þátt í verk­efnum og nám­skeiðum eða í starfsþjálfun tengda námi þeirra í skól­anum.

Ávinn­ingur erlendra sam­skipta er m.a. að nem­endur öðlast skilning í faginu á alþjóðlegum grunni og betri sýn á þau tæki­færi sem bjóðast í tengslum við það. Ekki má heldur van­meta reynsluna af því að búa og starfa á erlendri grund.

Nem­andi þarf að vera orðinn 18 ára og getur verið úti frá tveimur vikum til tólf mánaða eftir til­högun og sam­komu­lagi.

Nánar um samstarfið

Erlendir samstarfsaðilar

Tækni­skólinn er í sam­starfi við fjölda skóla víðs vegar um Evrópu. Einnig hefur verið komið á góðu sam­starfi við stofn­anir og fyr­ir­tæki þar sem nem­endur hafa getað tekið starfs­námið sitt eins og t.d. í Dan­mörku, Skotlandi og Svíþjóð.

Sjá samstarfsaðila

Umsóknarferli

Ingibjörg Rögnvaldsdóttir, deild­ar­stjóri upp­lýs­inga- og alþjóðadeildar og Ásgerður Sveinsdóttir verkefnastjóri hafa umsjón með alþjóðamálum. Þær aðstoða nem­endur, kennara og aðra starfs­menn við að finna skóla, fyr­ir­tæki og nám­skeið erlendis.

Ingi­björg svarar einnig spurn­ingum um starfsnám erlendis og veitir upp­lýs­ingar um umsókn­ar­ferlið til að fá styrk fyrir slíku námi.

Sækja um styrk

Heimsóknir og verkefni

Nem­endur fá styrk til skipti­náms, nám­skeiða eða til að taka lög­bundið starfsnám. Styrk­irnir ná til ferða sem eru allt frá því að vera tvær vikur upp í tólf mánuði. Nem­endur skrifa smá frétt eða grein til að birta hér á vefsíðu skólans eftir að dvöl­inni erlendis lýkur.

Hér má sjá umsagnir um ferðir og verk­efni nem­enda sem hafa farið út á Era­smus+ styrk.

Frásagnir nemenda

Alþjóðastefna

Tækni­skólinn býður nem­endum sínum upp á fyrsta flokks menntun sem nýtist þeim hvort sem þeir hyggjast halda beint úr í atvinnu­lífið eða til fram­halds­náms í fag­skólum og háskólum, bæði inn­an­lands og utan. Evrópa er að stórum hluta orðið eitt atvinnusvæði og ungt fólk sem er að ljúka námi vill eiga mögu­leika á að starfa og búa víðs vegar um heiminn, öðlast fjölþætta reynslu, læra nýja siði og venjur sem síðan auðga sam­félag þeirra.

Tækni­skólinn vill veita nem­endum sínum mögu­leika á að kynnast straumum og stefnum erlendis.

Hér má sjá alþjóðastefnu skólans í gæðahandbók.

Erasmus+ aðild og gæðaviðurkenningar

Tækniskólinn er með Erasmus+ aðild

Með Erasmus aðild er staðfest að skólinn hafi unnið vandaða áætlun um fjölþjóðlegt samstarf og náms- og þjálfunarferðir sem hluta af stefnumörkun til framtíðar. Þeir skólar og stofnanir sem hafa staðfest aðild sína að áætluninni geta framvegis sótt um styrki til náms og þjálfunar á einfaldari hátt. Aðildin snýr eingöngu að náms- og þjálfunarverkefnum og er leið til að einfalda alþjóðastarf skóla og annarra þátttakenda.

Gæðaviðurkenning 2021–2024

Tækniskólinn er handhafi gæðaviðurkenningar fyrir framúrskarandi náms- og þjálfunarverkefni sem fara fram árin 2021 til 2024 og veita nemendum og starfsmönnum tækifæri til framtíðar.