Heimsóknir

Tækniskólinn tekur vel á móti nemendum úr grunnskóla ef þeir hafa áhuga á að  skoða skólann, fá innsýn í skólastarfið og kynna sér námið sem þar er í boði. Miðað er við 10 til 25 einstaklinga í hverjum hóp og tekur hver heimsókn u.þ.b. eina klukkustund.

Heimsóknir þurfa að vera bókaðar af fulltrúa viðkomandi grunnskóla og/eða foreldri sem óskar eftir heimsókn fyrir ákveðinn hóp.

Hægt er að bóka heimsókn með því að hafa samband við Ólaf Svein Jóhannesson, deildarstjóra markaðs- og kynningardeildar, en hann veitir jafnframt allar nánari upplýsingar um heimsóknir í skólann. Aðrir hópar geta einnig haft samband við hann sé áhugi á að heimsækja skólann.

Húsnæði

Kennsla í Tækniskólanum fer fram á nokkrum stöðum og er hægt að bóka heimsókn í eftirfarandi byggingar skólans:

Skólavörðuholt

Í húsnæði skólans á Skólavörðuholti eru m.a. námsbrautirnar: húsasmíði, húsgagnasmíði, rafvirkjun, gull- og silfursmíði, málaraiðn, veggfóðrun- og dúkalögn, tækniteiknun, hársnyrtiiðn, kjólasaumur, klæðskurður, íslenskubraut fyrir útlendinga, starfsbraut, náttúrufræðibrautir, K2 og hönnunar- og nýsköpunarbraut.

Háteigsvegur

Í húsnæði skólans við Háteigsveg – Sjómannaskólanum – eru m.a. námsbrautirnar: vélstjórn, skipstjórn, ljósmyndun, grafísk miðlun, prentiðn, bókband og tölvubraut.

Hafnarfjörður

Í húsnæði skólans í Hafnarfirði eru m.a. námsbrautirnar: húsasmíði, rafvirkjun, rafeindavirkjun, pípulagnir, vélvirkjun, stálsmíði, rennismíði og starfsbraut.

Kynningarefni

Við bendum áhugasömum fjölbreytt kynningarmyndbönd á youtube.

Skólinn er einnig virkur á samfélagsmiðlum og hvetjum við ykkur til þess að kíkja á Facebook og Instagram síður skólans.

Á vefsíðu skólans má svo finna má finna ýmsar upplýsingar um námið og starfið í Tækniskólanum.

Einnig er hægt að hafa samband við náms- og starfsráðgjafa fyrir nánari upplýsingar um nám í Tækniskólanum.