Námsbraut
Kjólasaumur og klæðskurður
Hefur þú áhuga á fatnaði og tísku?
Dreymir þig um að geta saumað fullgerða flík frá grunni, breytt fötum og skapað ný? Nám í kjólasaum eða klæðskurði gæti hentað þér. Hér skiptir máli að vera nákvæmur, skapandi, þolinmóður og útsjónarsamur.
Innsýn í námið
Fjölbreytt verkefni, frábærir möguleikar
Í náminu öðlast þú þá þekkingu, leikni og hæfni sem sveinum í kjólasaumi og/ eða klæðskurði er nauðsynleg.
Sérnámið tekur tvö ár, heildarnámstími að fatatækni meðtöldum eru að jafnaði fjögur ár. Eftir að hafa lokið annað hvort kjólasaumi eða klæðskurði þarf að bæta við einni önn til að ljúka hinni greininni að auki.
Almennar upplýsingar
Inntökuskilyrði
Til að hefja nám í kjólasaumi eða klæðaskurði þarf að hafa lokið fatatækni.
Að loknu námi
Náminu lýkur með sveinsprófi sem veitir rétt til starfa í iðninni og til inngöngu í nám til iðnmeistaraprófs.
Eftir að hafa lokið námi í klæðskurði/ kjólasaum eru spennandi möguleikar í boði að vinna í sjálfstæðum atvinnurekstri, störfum með öðrum skapandi og stórhuga sveinum, meisturum eða hönnuðum. Einnig er möguleiki á sérhæfingu ýmiskonar t.d. í tengslum við leikhús og kvikmyndir eða að afla sér viðbótarmenntunar til að fjölga möguleikunum enn frekar.
Verkefni nemenda
Drauma starfsnámið í skosku hálöndunum
Starfsnám
Telma Dögg Björnsdóttir, nemandi í Handverksskólanum, er stödd í skosku hálöndunum þar sem hún er í starfsnámi hjá Campbells's of Beauly.
Starfsnám í Skotlandi
Starfsnám
Hafrún Harðardóttir, nemandi í Handverksskólanum, er um þessar mundir í spennandi starfsnámi hjá Blues and Browns í Perth, Skotlandi.
Útskriftarsýning klæðskera
Klæðskeranemar halda útskriftarsýningu
Útskriftarnemar í klæðskurði buðu til yfirlitssýningar á verkum sínum og vinnu síðastliðinna ára.
Sýningin var í Ráðhúsi Reykjavíkur og þar gat að líta fjölbreytt verkefni nemenda sem bera kunnáttu þeirra gott vitni..
Boðið var upp á léttar veitingar og tónlist í flutningi Kristínar Önnu Valtýsdóttur.
Elín Atim á fataiðnbraut Handverksskólans
Ferlið við að búa til flík er fjölbreytt.
„Mér finnst skemmtilegt að koma hugmyndum mínum í veruleikan. Það er spennandi og lærdómsríkt ferli sem kyndir undir enn fleiri hugmyndir. Í þessari hringrás liggur framtíðarstarf mitt.“
Umsagnir
Auður Ósk Einarsdóttir er á 6.önn í Klæðskurði
Ég mæli eindregið með fataiðnbrautinni fyrir fólk á öllum aldri sem hefur áhuga á að sérsauma föt. Handavinna var alltaf mitt áhugamál síðan að ég man eftir mér og ég ímyndaði mér ekki að ég gæti lært það sem ég elska og breytt því í starfsferil. Draumur minn er að sauma búninga fyrir leikhús og kvikmyndir, námið hefur undirbúið mig fyrir það.
Birna Sigurjónsdóttir útskrifaðist sem klæðskeri vorið 2018
Kennararnir eru metnaðarfullir og með brennandi áhuga á því sem þeir og nemendur eru að vinna að. Ég mæli klárlega með náminu og sérstaklega fyrir eldri nemendur með reynslu sem vilja dýpka skilning og fá meiri þekkingu í faginu. Með góða grunnþekkingu í faginu getur maður gert flóknari flíkur í náminu og því fengið virkilega mikið út úr því.
- Get lært það sem ég elska og breytt því í starfsferil
- Sérstaklega fyrir eldri nemendur með reynslu sem vilja dýpka skilning og fá meiri þekkingu í faginu.
FAQ
Spurt og svarað
Hvað kostar námið?
Sjá upplýsingar um skólagjöld í gjaldskrá Tækniskólans.
Er námið lánshæft?
Lánasjóður íslenskra námsmanna veitir allar upplýsingar um lánshæfi náms á www.lin.is eða í síma 560 4000.
Eru efnisgjöld?
Nei, efnisgjöld eru innifalin í skólagjöldum.
Hvenær hefst kennsla?
Sjá upplýsingar í viðburðum og skóladagatali hér á vefnum.
Hvar fer kennslan fram?
Kennslan í kjólasaum og klæðskurði fer fram á Skólavörðuholti.
Er mætingarskylda?
Já, nánari reglur um skólasókn er að finna hér á vefnum.
Get ég tekið stúdentspróf af brautinni?
Nemandi sem er í starfsnámi á framhaldsskólastigi á kost á viðbótarnámi til undirbúnings námi á háskólastigi. Slíku námi lýkur með stúdentsprófi
Er nemendafélag?
Upplýsingar um félagslíf og nemendafélag eru á síðu um félagslíf.
Hvernig sæki ég um?
Sótt er um rafrænt og sækja um hnappur er hér á síðunni.