fbpx
Menu

Námsbraut

Húsasmíði

Ertu skapandi og verklaginn? Námið gefur möguleika á inni- og útivinnu bæði við nýbyggingar eða viðhald eldri húsa.

Þú lærir færni til allrar smíðavinnu í bygginga- og mannvirkjaiðnaði. Námið er án vafa einn af bestu námskostunum og veitir starfsréttindi. Með viðbótarnámi eru allar leiðir færar inn á háskólastigið.

Kennsluform: Dagskóli
Lengd náms: 5 annir og 72 vikur starfsþjálfun
Tengiliður: Gunnar Kjartansson

Innsýn í námið

Í náminu öðlast þú skilning, þekkingu og færni til að sinna allri smíðavinnu í bygginga- og mannvirkjaiðnaði.

Kenndar eru aðferðir og verklag sem veita þér hæfni og þekkingu til að vinna sjálfstætt á sérsviðum greinarinnar.

Námið skilar þér færni í verkstæðis- og innréttingavinnu, úti- og innivinnu á byggingarstað og viðgerða- og breytingavinnu.

Hægt er að taka áfanga í námi með vinnu (fjarnámi eða í kvöldnámi)

Brautarlýsing

HÚ17 Húsasmíði

Húsgagnasmiður býr yfir hæfni til að vinna sjálfstætt og leiðbeina öðrum, þekkir ábyrgð sína, siðferðilega stöðu og getur lagt mat á eigin vinnu. Húsgagnasmiður þekkir helstu eiginleika og verkan efna og getur valið efni eftir verkefnum. Húsgagnasmiður getur hannað og smíðað öll helstu húsgögn, lagt mat á viðhald og viðgerðir húsgagna og þekkir og getur nýtt sér gamlar vinnuaðferðir, getur smíðað og sett upp og viðhaldið húshlutum. Hann getur notað yfirborðsefni s.s. lökk og litarefni og þekkir grunnatriði lita- og formfræði og helstu stíltímabil. Húsgagnasmíði er löggild iðngrein.

 

Almennar upplýsingar

Inntökuskilyrði

Fyrst þarf að klára Grunnnám bygginga- og mannvirkjagreina. Ef þú ert búin með það nám getur þú sótt um nám í húsasmíði.

Ef þú ert eldri en 20 ára eða hefur stúdentspróf getur þú innritað þig beint á brautina.

 

Að loknu námi

Meðalnáms­tími er fjögur ár með grunn­náminu, sam­tals fimm annir í skóla og 72 vikna starfsþjálfun.

Húsasmíði er löggilt iðngrein. Prófskírteini af húsasmíðabraut veitir þér rétt til að sækja um sveinsbréf og þá áttu rétt á að hefja nám í meistaraskóla.

Einnig er hægt að taka viðbótarnám og klára stúdentspróf eða búa sig undir nám á háskólastigi með öðrum hætti.

 

Verkefni nemenda

Hönnun, smíði og teikning

Hönnun, smíði og teikning

Samsýning þriggja brauta sem vakti athygli og var opin gestum og gangandi í húsi Tækniskólans, Fjölbreytt verkefni og mikil sköpun sem sjá má á nokkrum myndum.

Hönnun og nýsköpun á vorsýningu

Hönnun og nýsköpun á vorsýningu

Nemendur á Hönnunar og nýsköpunarbraut voru með sýningu á verkum vetrarins á vorsýningu.
Fjölbreytt verkefni og mikil sköpun sem sjá má á nokkrum myndum.

Nánari upplýsingar

Kynntu þér námsskipulag brauta í Byggingatækniskólanum.

 

Nemendur sem hefja nám í bygginga- og mannvirkjagreinum verða að koma með eigin öryggisskófatnað, hlífðargleraugu og heyrnarhlífar sem þeir skulu ávallt nota í verklegri aðstöðu Byggingatækniskólans. Einnig skal árétta að nemendum er með öllu óheimilt að vinna við vélar í vélasal nema í skipulögðum áföngum þar sem kennari er til staðar.

Nemendur sem lokið hafa grunnáföngum skulu verða sér út um neðangreind verkfæri og mæta með þau í verklega áfanga.  Þessi verkfæri er hægt að kaupa í flestum byggingavöruverslunum og er áætlað verð frá 25.000–40.000 kr.

  • Hefill no. 4
  • Sporjárnasett 6 stk.
  • Rissmát tré/brons mm
  • Sniðmát
  • Vinkill 150 mm
  • Klaufhamar 16oz
  • Borasett 10stk.
  • Úrsnari
  • Bitasett torx
  • Tommustokkur 1 m í millimetrum.
  • Verkfærakassi
  • Heyrnarhlífar

Nánari upplýsingar um verkfæri fá nemendur hjá kennurum í verklegum greinum.

Einnig er ætlast til að nemendur mæti í vinnufatnaði í verklegar greinar. Tækniskólinn tekur ekki ábyrgð á skemmdum á fatnaði.

Með starfsnámi á framhaldsskólastigi er möguleiki  á viðbótarnámi til undirbúnings námi á háskólastigi. Slíku námi lýkur með stúdentsprófi.

Umsagnir

Umsagnir

Húsgagnasmíði er kennd við Byggingatækniskólann

Verkefni Gunnars vöktu athygli á húsgagnasýningunni sem var opin almenningi í Tækniskólanum í vor.

FAQ

Spurt og svarað

Er öruggt að ég komist í starfsþjálfun / á samning til að klára námið?

Já, mikið hefur verið að gera í byggingariðnaði á Íslandi og nemar í byggingagreinum hafa auðveldlega fengið samning. Tækniskólinn veitir einnig nemendum aðstoð við að komast á samning ef þarf.

Hvað kostar námið?

Sjá upplýsingar um skólagjöld í gjaldskrá Tækniskólans.

Er námið lánshæft?

Lánasjóður íslenskra námsmanna veitir allar upplýsingar um lánshæfi náms á www.lin.is eða í síma 560 4000.

Eru efnisgjöld?

Nei, efnisgjöld eru innifalin í skólagjöldum.

Hvenær hefst kennsla?

Sjá upplýsingar í skóladagatali Tækniskólans.

Hvar fer kennslan fram?

Kennslan í húsasmíði fer fram á Skólavörðuholti, Hafnarfirði og Skeljanesi 9.

Nánari upplýsingar um staðsetningu og húsnæði Tækniskólans.

Er mætingarskylda?

Já, hér má sjá nánari reglur um skólasókn í Tækniskólanum.

Spurningar

Hafðu samband og við svörum þér um hæl!

  • This field is for validation purposes and should be left unchanged.
Var efnið á síðunni hjálplegt?
Frábært það eru góðar fréttir!