Námsbraut
Rafveituvirkjun – nám með vinnu
Ef þú vilt spennandi og krefjandi nám. Rafveituvirkjar tengjast háspennu og þurfa oft að vinna við hættulegar aðstæður.
Starfið krefst hámarksvarúðar og þekkingu á öryggisreglum. Rafveituvirkjar redda biluðum háspennulínum eftir slæm óveður.
Fjallað um háspennu, öryggismál, umhverfismál og burðarþol svo eitthvað sé nefnt.
Innritun fyrir haustönn opnar í mars og fyrir vorönn í október.
Innsýn í námið
Fagmennska og virðing
Sem rafveituvirki er vinnan mest í háspennutækni. Setja upp tengivirki, leggja háspennulínur og setja upp spennistöðvar. Mörg rafverktakafyrirtæki hafa rafveituvirkja í vinnu.
Þetta er nám ofan á nám í rafvirkjun og þá taka nemendur viðbótaráfanga sem lúta að burðarþoli, umhverfisfræði og öryggismálum. Rafveituvirkjar vinna við háspennulínur, oft við mjög erfiðar aðstæður og þurfa því að hafa öryggismálin á hreinu.
Námið er kennt sem viðbót við rafvirkjun.
Brautarlýsing
RT20 Rafveituvirkjun
Meginmarkmið náms í rafveituvirkjun er að gera nemendum kleift að öðlast þekkingu og færni til að takast á við störf rafveituvirkja, einkum við uppsetningu, mælingar, viðhald og viðgerðir lagna og búnaðar til flutnings- og dreifingar raforku frá framleiðanda til notenda. Rafveituvirki á hæfniþrepi 3 býr yfir hæfni til að vinna sjálfstætt, veita ráðgjöf, gera ítarlegar tíma- og kostnaðaráætlanir sem og skila sinni vinnu í samræmi við væntingar. Hann hefur djúpan skilning á þeim búnaði, verkferlum og fræðum sem snúa að hans vinnu. Hann getur viðað að sér aukinni þekkingu í samræmi við þau verkefni sem fyrir liggja með því að nýta sér miðla og upplýsingar sem snúa að faginu og nýta þessa auknu þekkingu við störf sín. Rafveituvirki hefur sértæka þekkingu á flutningi háspennu um raforkukerfi og þeim búnaði sem til þarf. Jafnframt er rafveituvirki með yfirgripsmikla þekkingu á þeim öryggisreglum sem gilda bæði gagnvart eigin öryggi og annarra en jafnframt gagnvart rekstraröryggi kerfa. Rafveituvirki er vel inni í þeim búnaði sem þarf til útivistar á fjöllum og þekkir vel til umhverfismála og landmælinga. Hann þekkir jafnframt vel til burðarþols þeirra mannvirkja sem halda uppi rafbúnaði eða línum.
Almennar upplýsingar
Inntökuskilyrði
Nám í rafiðnaði hefst alltaf á undirbúningsbraut sem er grunnnám í rafiðngreinum og tekur fjórar annir.
Rafveituvirkjun er samningsnám sem miðast við 48 vikna starf hjá meistara í rafveituvirkjun. Námið er kennt sem viðbót við rafvirkjun. Fjórir áfangar, samtals 10 einingar bætast við rafvirkjanámið.
Að loknu námi
Rafveituvirkjun er löggilt iðngrein. Náminu lýkur með sveinsprófi er veitir rétt til starfa í iðninni og til inngöngu í nám til iðnmeistaraprófs.
Þú getur tekið viðbótaráfanga og klárað stúdentspróf eða búið þig undir nám á háskólastigi með öðrum hætti.
FAQ
Spurt og svarað
Hvernig sæki ég um?
Sækja um hnappur er hér á síðunni.
Hvað kostar námið?
Sjá upplýsingar um skólagjöld í gjaldskrá Tækniskólans.
Er námið lánshæft?
Menntasjóður námsmanna veitir allar upplýsingar um lánshæfi náms á menntasjodur.is
Eru efnisgjöld?
Nei, efnisgjöld eru innifalin í skólagjöldum.
Þess má geta að sú stefna hefur verið tekin upp hjá Fræðsluskrifstofu rafiðnaðarins að allt námsefni í rafiðngreinum verði ókeypis nemendum. Þetta er langt komið og sárafáar bækur sem nemendur þurfa að kaupa til námsins.
Námsefni er að finna á rafbok.is.
Hvenær hefst kennsla?
Sjá upplýsingar í skóladagatali og í viðburðum Tækniskólans.
Hvar fer kennslan fram?
Kennslan í Rafveituvirkjun fer fram á Skólavörðuholti.
Þarf ég að vera með verkfæri?
Er mætingarskylda?
Já, nánari reglur um skólasókn er að finna hér á vefnum.
Er nemendafélag?
Í Raftækniskólanum er starfandi skólafélag sem hefur það hlutverk að tengja stjórnendur skólans við nemendur og koma með athugasemdir og óskir um hluti sem betur mega fara. Jafnframt er skólafélagið tengiliður stjórnenda við nemendur. Fulltrúi skólafélagsins situr fundi með stjórnendum reglulega sem og fagráði skólans.
Skólafélagið skipar nefndir til að sjá um félagslíf innan skólans og uppákomur.
Nemendur sjá sjálfir um að móta, þróa og byggja upp félagsstarf. Saman mynda skólafélög innan Tækniskólans Nemendasamband Tækniskólans NST.
Raftækniskólinn er með spjallsíðu (hóp) á Facebook.