Menu

Námsbraut

Skipstjórn – dreifnám

Viltu taka nokkra áfanga með vinn­unni til byrja í námi eða til að klára starfs­rétt­indi? Þá er dreifnám (nám með vinnu) eitthvað fyrir þig.

Allar náms­brautir Skipstjórnarskólans eru í boði að hluta eða í heild í dreif­námi.

Kennsluform: Nám með vinnu

Innsýn í námið

Dreifnám – nám með vinnu eða dagskóla

Nám með vinnu er nám utan dagskóla sem sameinar kosti fjar- og kvöldnáms. Áfangi getur verið kenndur að öllu leyti í fjarnámi, að öllu leyti í staðbundnu námi eða að hluta í fjarnámi og hluta í staðbundnum lotum – ath. skyldumæting er í staðlotur.

Í dreifnámi eru í boði bæði fagáfangar og almennir áfangar af námsbrautum Skipstjórnarskólans. Langstærstur hluti áfanga á öllum brautum skólans eru í boði í dreifnámi. Almenna námið á skipstjórnarbrautum (raungreinar, íslensku og mest af tungumálum) má annað hvort taka í Tækniskólanum eða í öðrum skólum og fá metið.

 

Almennar upplýsingar

Að loknu námi

Stýrimenn og skipstjórnar starfa á skipum af öllum stærðum og gerðum í ýmsum atvinnugreinum, svo sem við ferðaþjónustu, í flutningageiranum, við fiskveiðar, fiskeldi eða strandgæslu. Skipstjórnarnám veitir réttindi til atvinnu um allan heim á skipum. Hægt er að ná sér í stighækkandi réttindi eftir því sem líður á námið.

Brautarlýsing

Inntökuskilyrði

Um skilyrði til innritunar á námsbrautir skipstjórnarnáms gilda almenn ákvæði gildandi reglugerðar um innritun nemenda í framhaldsskóla. Þó gilda þau ákvæði ekki fyrir umsækjendur um skipstjórnarnám A (<24 m lengd), einungis að umsækjendur hafi náð 18 ára aldri við innritun.

Ekki er gerð krafa um að nem­andi hafi lokið lægra náms­stigi skipstjórnar til þess að öðlast rétt til að hefja nám á næsta náms­stigi að teknu til­liti til reglna um und­an­fara og hliðfara í námi.

 

Skipulag náms

DREIFNÁM

Í staðlotum er verklegur hluti námsins kenndur og um leið fer gjarnan fram námsmat þannig að þá er skyldumæting. Upplýsingar um tímasetningar á staðlotum eru aðgengilegar á meðan opið er fyrir umsóknir í dreifnám.

Stundatöflur:

Skipulag staðlota og námskeiða haust 2018 (með fyrirvara um breytingar)

Skipulag staðlota og námskeiða vorönn 2019 (með fyrirvara um breytingar)

Bóklegur hluti námsins fer fram á kennsluvef skólans (INNU) en verklegur hluti þess í staðbundnum námslotum (staðlotum).

Á kennsluvef koma fram námsáætlanir og er lesefnið í mörgum tilvikum aðgengilegt eða tilvísun til þess (bóka og rafbóka), fyrirlestrar eru gjarnan birtir og kennslumyndskeið eru í mörgum tilvikum notuð.

Lögð eru fyrir verkefni og próf sem jafnframt er skilað á sama stað og allar einkunnir og upplýsingar til nemenda koma fram á kennsluvefnum.

Í staðlotum er verklegur hluti námsins kenndur og um leið fer gjarnan fram námsmat þannig að þá er skyldumæting. Upplýsingar um tímasetningar á staðlotum eru aðgengilegar á meðan opið er fyrir umsóknir í dreifnám.

Mikilvægt er fyrir nemendur, sem vinna þannig vinnu með námi að þeir komast ekki í staðlotur hvenær sem er, að kynna sér vel dagsetningar og velja áfangahópa sem hafa lotur á þeim dögum sem þeir komast frá.

Kennsla í staðlotum fer fram í Sjómannaskólanum Háteigsvegi.

Námsmat er fjölbreytt og er stöðugt verið að leggja mat á þekkingu nemandans á meðan á námi stendur með verkefnum og prófum. Prófin má í mörgum tilvikum taka utan skóla en einnig getur verið nauðsynlegt að mæta á viðurkenndan prófstað. Nánari leiðbeiningar um framkvæmd námsmats má finna hér.

Nemendur eru hvattir til að fylgjast vel með skiladagsetningum verkefna og prófa og gera ráðstafanir tímanlega varðandi próftöku.

Opið er fyrir umsóknir í dreifnám seinnpart sérhverrar annar og er þá sótt um nám fyrir næstu önn á eftir. Auglýst er hér á vef skólans hvenær opnað er fyrir umsóknir.

Ef umsóknir um áfanga eru margar þá eru leyfðar yfirbókanir. Unnið er úr umsóknum eftir þeirri reglu að fyrstur kemur – fyrstur fær, að teknu tilliti til reglna um forkröfur.

Athugið að þó að áfangi sé í umsóknarkerfinu þýðir það ekki endilega að áfangi verði kenndur, fjöldi innritana í einstaka áfanga ræður því hvort þeir fari af stað og verða umsækjendur upplýstir um það í lok innritunartímabilsins.

Sjá nánari leiðbeiningar fyrir umsóknarvefinn.

Umsagnir

Skoða skólalífið

"Ég hef alltaf verið mikið fyrir að ferðast og siglingar verið áhugamál lengi."

Spurningar

Hafðu samband og við svörum þér um hæl!

  • This field is for validation purposes and should be left unchanged.
Var efnið á síðunni hjálplegt?
Frábært það eru góðar fréttir!