Innsýn í námið
Fanga hið fullkomna augnablik
Nám í ljósmyndun endurspeglar kröfur um þekkingu og færni þeirra sem vinna í greininni.
Nemendur læra að beita þekkingu sinni og verkkunnáttu á sjálfstæðan hátt. Ljósmyndari þarf að hafa góða innsýn í flókin tækniatriði sem varða uppsetningu og vinnslu ljósmynda sem og útprentunarmöguleika því þróun á þessum sviðum er hröð. Ljósmyndari þarf einnig að kunna skil á stafrænni tækni sem nýtir sér tölvutækni og prentara.
Hægt er að fylgjast með ljósmyndadeild Tækniskólans á Instagram.
Ljósmyndadeild TækniskólansBrautarlýsing
LJÓ22 - Ljósmyndun
Ljósmyndun er gamalgróin iðngrein með mikla sögu og hefðir sem hefur gengið í gegnum umtalsverðar tæknibreytingar. Annars vegar er sú tækni sem byggir á filmu og framköllun í myrkraherbergi og hins vegar stafræn tækni sem nýtir tölvutækni. Á fáum árum hefur orðið sú þróun að mikill meirihluti ljósmynda eru teknar á stafrænt form og flestir ljósmyndarar nota slíka tækni. Góð þekking á stafræna ferlinu frá myndatöku til birtingar í mismunandi miðlum er mikilvæg ásamt góðri þekkingu á öllum myndatökubúnaði. Auk þess að kunna skil á fagurfræðilegum forsendum miðilsins, bera gott skynbragð á lýsingu og myndbyggingu og þekkja vel tjáningarmöguleika ljósmyndunar. Ljósmyndun er löggilt iðngrein.
Almennar upplýsingar
Inntökuskilyrði
Fyrst þarf að klára grunnnám upplýsinga- og fjölmiðlagreina sem tekur þrjár annir. Þegar því námi er lokið þá geta nemendur sótt um nám í ljósmyndun, sem er sérsvið og tekur tvær annir eftir grunnnámið (samtals 5 annir í skóla).
Umsækjendur þurfa að senda inn fimmtán myndir í u.þ.b. 2.000 x 3.000 pixela stærð sem sýna góðan þverskurð af getu umsækjanda. Senda skal myndirnar með www.WeTransfer.com fyrir 15. maí 2023 til Kristínar Þóru, skólastjóra Upplýsingatækniskólans. Netfangið hennar er [email protected] og hún getur gefið nánari upplýsingar ef á þarf að halda.
Nemendur skólans sækja um brautarskipti í Innu en aðrir sækja um rafrænt á umsóknarvef. Sjá umsóknarhnapp hér ofar á síðunni.
Að loknu námi
Námið tekur 2–3 ár eða fimm annir. Það tekur tvær annir að loknu grunnnámi upplýsinga- og fjölmiðlagreina.
Þar að auki er 24 vikna starfsþjálfun. Ljósmyndun er löggilt iðngrein og lýkur náminu með sveinsprófi sem veitir þér rétt til starfa í iðninni og til inngöngu Meistaraskólann.
Einnig er hægt að taka viðbótarnám og klára stúdentspróf eða búa sig undir nám á háskólastigi með öðrum hætti.
Verkefni nemenda
Útskrift úr ljósmyndun vor 2020
Bók með verkum útskriftarnemenda í ljósmyndun
Ljósmyndun
Ljósmyndadeildin
Nánari upplýsingar
- Hugbúnaður
- Stúdentspróf
Í grunnnáminu þurfa nemendur að nota Adobe forritunarpakkann og er hægt að kaupa nemendaleyfi á bókasafni skólans.
Það er hægt að klára stúdentspróf eftir að námi í skólanum lýkur eða búa sig undir nám á háskólastigi með öðrum hætti.
Umsagnir
Fór í grunnnám upplýsinga- og fjölmiðlagreina og síðan ljósmyndun.
María lærði ljósmyndun að loknu grunnnámi og er mjög ánægð með grunnnám upplýsinga- og fjölmiðagreina. „Það er góður grunnur fyrir allt nám og þá sérstaklega ljósmyndun þar sem ég er að fá sérhæfingu á mínu áhugasviði.“
- Upplýsingatækni er grunnurinn
FAQ
Spurt og svarað
Er öruggt að ég komist í starfsþjálfun / á samning til að klára námið?
Það er erfitt að fullyrða um að nemendur komist í starfsþjálfun eftir að námi í skólanum lýkur. Það fer allt eftir eftirspurn hverju sinni.
Hvað kostar námið?
Sjá upplýsingar um skólagjöld í gjaldskrá Tækniskólans.
Er námið lánshæft?
Menntasjóður námsmanna veitir allar upplýsingar um lánshæfi náms á menntasjodur.is
Eru efnisgjöld?
Nei, efnisgjöld eru innifalin í skólagjöldum.
Hvenær hefst kennsla?
Sjá upplýsingar í skóladagatali hér á vefnum.
Hvar fer kennslan fram?
Kennsla í ljósmyndun fer fram í Sjómannaskólanum á Háteigsvegi. En einnig fara nemendur á sérsviðinu út í fyrirtæki.
Er mætingarskylda?
Já, nánari reglur um skólasókn er að finna hér á vefnum.