fbpx
en
Menu
en

Námsbraut

Íslenskubraut fyrir útlendinga

Talar þú ekki íslensku? Ertu frá öðru landi? Er íslenska ekki móðurmál þitt?
Brautin er ætluð nemendum sem hafa annað móðurmál en íslensku. Boðið er upp á fjölbreytt úrval íslenskuáfanga til undirbúnings fyrir nám í íslenskum framhaldsskólum.

Kennsluform: Dagskóli
Lengd náms: 4 annir

Innsýn í námið

Íslenska sem annað tungumál

Ætlar þú að búa á Íslandi? Þá þarftu að hafa vald á íslensku, bæði ritaðri og talaðri.

Íslenskubraut fyrir útlendinga býður þér gott nám sem leggur grunninn í íslensku, og þér verða allir vegir færir.

Hér er að finna móttökuáætlun Tækniskólans vegna nemenda sem eru með annað móðurmál en íslensku.

Almennar upplýsingar

Inntökuskilyrði

Að hafa annað móðurmál en íslensku eða að hafa alist upp erlendis. Samkvæmt íslenskum lögum raðast nemendur í forgangsröð eftir aldri þannig að þeir yngstu hafa mestan forgang. Síðastliðin ár hafa nemendur verið 16-20 ára sem teknir eru inn og fyllt hópana og enginn nemandi eldri en 25 ára.

Boðið er upp á fjögur stig og nemendur eiga að tilgreina hvaða stig þeir óska eftir í athugasemd í umsókninni. Fyrsta stig er fyrir þá sem kunna enga íslensku og svo framvegis.

Þeir sem sækja um nám á þessari braut en vita ekki hvaða stig þeir ættu að velja skulu hafa samband við Guðlaugu Kjartansdóttur. 

Að loknu námi

Við námslok á íslenskubraut fyrir útlendinga er reiknað með að nemendur séu undirbúnir fyrir meira nám í íslenskum framhalds­skólum eða hafi bætt svo mjög íslenskukunnáttu sína að hún nýtist þeim á vinnumarkaði.

Margir nemendur á 4. og 5. getustigi íslensku á brautinni eru einnig skráðir í nám á öðrum brautum Tækniskólans.

Brautarlýsing

English - Inna instruction

FAQ

Spurt og svarað

Hvernig sæki ég um?

Sækja um hnappur er hér á síðunni.
En nemendur án kennitölu skulu sækja um hjá Guðlaugu Kjartansdóttur, [email protected], símar: 514 9116 og 898 7149.

Er aldurstakmark á nýbúabraut?

Já, í rauninni, brautin er fyrir nemendur á framhaldsskólaaldri, eða 16-25 ára. Eldri nemendum er bent á íslenskunámskeið utan framhaldsskóla.

Hvað kostar námið?

Sjá upplýsingar um skólagjöld í gjaldskrá Tækniskólans.

Er námið lánshæft?

Námið er ekki lánshæft hjá LÍN – Lánasjóði íslenskra námsmanna

Eru efnisgjöld?

Nei, efnisgjöld eru innifalin í skólagjöldum.

Hvenær hefst kennsla?

Sjá upplýsingar í skóladagatali hér á vefnum. 

Hvar fer kennslan fram?

Öll kennsla á nýbúabraut fer fram á Skólavörðuholti.

Er mætingarskylda?

Já, nánari reglur um skólasókn má finna hér á vefnum.

Hve mörg getustig eru á nýbúabraut?

Getustig eru fjögur. Fyrsta getustig er fyrir þá sem kunna enga íslensku, kennt á einni önn, þá tekur við 2. stig og svo koll af kolli. Þá er boðið upp á einn áfanga á 5. stigi.

Byrja allir á fyrsta getustigi?

Nei, það er mismunandi hvar nemendur eru staddir.

Er nemendafélag?

Upplýsingar um félagslíf og nemendafélag eru á síðu um félagslíf.

Spurningar

Hafðu samband og við svörum þér um hæl!

  • This field is for validation purposes and should be left unchanged.
Var efnið á síðunni hjálplegt?
Frábært það eru góðar fréttir!