Námsbraut
Hönnunar- og nýsköpunarbraut – stúdentsleið
Ef þú hefur áhuga á hönnunar- og tæknitengdum greinum á háskólastigi þá er námið góður undirbúningur. Stúdentspróf af hönnunar- og nýsköpunarbraut býr nemendur undir framtíðina þar sem þörf er á fólki sem er skapandi og þjálfað í lausnaleit.
Innsýn í námið
Námið á brautinni byggir á skapandi vinnu og brúar bil á milli verklegrar og tæknilegrar þekkingar og aðferða í hönnun.
Ef þú vilt undirbúa þig fyrir skapandi nám á háskólastigi þá er þetta námið fyrir þig. Ef þú ert með stúdentspróf eða sambærilegt nám, þá er Hönnunar- og nýsköpunarbraut – fornám braut sem hentar.
Þú lærir að vinna með sjónræna þætti eins og teikningu, liti og form, rannsóknir á umhverfi og samfélagi, hugmyndavinnu og lausnaleit. Áhersla er á vinnu með sjálfbærni, nýsköpun og persónulega sýn í verkefnavinnu. Nemendur vinna ferilmöppu á síðustu önn námsins.
Brautarlýsing
HNÝ21 Hönnunar- og nýsköpunarbraut - stúdentsleið
Markmið Hönnunar- og nýsköpunarbrautar er að búa nemendur undir hönnunar- og tæknitengdar greinar á háskólastigi. Náminu lýkur með stúdentsprófi og er ætlað að brúa bil á milli verklegrar og tæknilegrar þekkingar og aðferða í hönnun þar sem unnið er með hönnunarferli í lausnaleit. Sérstök áhersla er á vinnu með verklag, nýsköpun og sjálfbærni. Að námi loknu eiga nemendur að vera með góðan undirbúning fyrir nám sem reynir á skapandi vinnu, lausnaleit og frumkvæði í einstaklingsvinnu sem og samvinnu. Frjálst val á brautinni er 24 einingar.
Almennar upplýsingar
Inntökuskilyrði
Til að hefja nám á hönnunar og nýsköpunarbraut þarf umsækjandi að hafa lokið grunnskóla með lágmarkseinkunn B í íslensku, ensku og stærðfræði.
Að loknu námi
Námið er skipulagt sem þriggja ára stúdentsleið. Að námi loknu ættir þú að vera með góðan undirbúning fyrir nám sem reynir á skapandi vinnu, lausnaleit og frumkvæði í einstaklingsvinnu sem og samvinnu.
Nemendur útbúa ferilmöppu og hafa möguleika á að sækja um listaháskóla hér heima og erlendis t.d. í hönnun, arkitektúr og öðrum skapandi greinum.
Verkefni nemenda
Askur – tímarit útskriftarnema
í grafískri miðlun
Askur
Erasmus+ styrkur veitir góð tækifæri
Námsdvöl í hönnunarskóla í Danmörku
Hönnun, smíði og teikning
Hönnun, smíði og teikning
Hönnun og nýsköpun á vorsýningu
Hönnun og nýsköpun á vorsýningu
Umsagnir
Námsbraut þar sem áhugamál mín tengdust náminu.
Tinna fór á hönnunar og nýsköpunarbraut og fannst það koma skemmtilega á óvart. Námið er skapandi og frábær grunnur fyrir mig sem stefni á nám í hönnun, arkitektúr eða öðrum skapandi greinum. „Ég er alveg í skýjunum með þetta nám.“
- Þvílík útrás fyrir sköpun og hugmyndir
FAQ
Spurt og svarað
Hvernig sæki ég um?
Sækja um hnappur er hér á síðunni.
Er stúdentsprófið hreint bóklegt nám?
Nei, en vissulega er stór hluti námsins hefðbundnar bóklegar greinar. Sérfögin eru í aðferðafræði, hönnun, hönnunarsögu, teikningu, nýsköpun og frumkvöðlafræði. Auk þess fara nemendur á verkstæði í öðrum undirskólum Tækniskólans og fá að kynnast verk- og iðngreinum.
Hvað kostar námið?
Sjá upplýsingar um skólagjöld í gjaldskrá Tækniskólans.
Er námið lánshæft?
Menntasjóður námsmanna veitir allar upplýsingar um lánshæfi náms á menntasjodur.is
Eru efnisgjöld?
Nei, efnisgjöld eru innifalin í skólagjöldum.
Hvenær hefst kennsla?
Sjá upplýsingar í skóladagatali Tækniskólans.
Hvar fer kennslan fram?
Kennslan á hönnunar- og nýsköpunarbraut fer fram á Skólavörðuholti.
Nánari upplýsingar um staðsetningu og húsnæði Tækniskólans.
Er mætingarskylda?
Já, hér má sjá nánari reglur um skólasókn í Tækniskólanum.
Er nemendafélag?
Nánari upplýsingar um félagslíf og nemendafélög Tækniskólans.