Upplýsingar um bækur og námsgögn eru í Innu

Nemendur finna upplýsingar um bækur og námsgögn í Innu. Það er einnig hægt að skoða námsgagnalista fyrir vorönn 2022 í excelskjali.

Kennsluefni og verkefni fyrir nokkra áfanga í Raftækniskólanum má finna á Rafbók – Netbókasafni rafiðnaðarins. Til að nota rafbok.is þarf nemandi að skrá sig inn á síðunni.

Gull og silfur – nám til sveinsprófs er rafbók sem Iðnú gefur út. Hún er þýðing á norskri kennslubók í gull- og silfursmíði, og verður fyrst um sinn aðeins aðgengileg á netinu. Bókin er sú fyrsta sinnar tegundar á íslensku.

 

Bókabúðin Iðnú býður sérstakan afslátt

IÐNÚ gefur öllum nemendum, starfsfólki og kennurum í aðildarskólum um land allt 10% afslátt af öllum vörum í skólavöruversluninni að Brautarholti 8 og í vefverslun. Einnig fellur tímabundið niður sendingarkostnaður á öllum pöntunum sem koma í gegnum vefverslunina.

Vorið 2022 gildir tilboðið frá 4. janúar til 21. janúar. Ef verslað er í Brautarholti 8 þá er nóg að framvísa meðfylgjandi auglýsingu. Ef verslað er í vefverslun Iðnú þá þarf að slá inn afsláttarkóðann: vor2022 inn í reitinn ,,nýta afsláttarmiða.“

 

Gagnvirkar vefbækur

Hafin er sala á fyrstu gagnvirku vefbókunum eftir að hafa tilraunakennt þær ókeypis í nokkrum skólum. Þannig hafa rúmlega 400 nemendur þegar notað bækurnar til kennslu og viðbrögðin frá þeim eru afar jákvæð. Hægt er að kynna sér þetta frekar og kaupa bækurnar á síðunni vefbok.is

 

Tengiliður vegna námsgagnalista: [email protected] 

 

 

 

Uppfært 5. janúar 2022
Áfangastjórn