Foreldraráð
Foreldraráð Tækniskólans
Við Tækniskólann starfar foreldraráð samkvæmt lögum um framhaldsskóla (92/2008). Hlutverk ráðsins er að styðja við skólastarfið, huga að hagsmunamálum nemenda og efla samstarf foreldra og forsjáraðila ólögráða nemenda við skólann.
Tilgangur og markmið ráðsins
Tilgangur ráðsins er að stuðla að auknum gæðum skólans og leitast við að bæta skilyrði og aðstæður nemenda til menntunar og almenns þroska. Ráðið hyggst gera það með því að:
- Stuðla að aukinni þekkingu foreldra og forsjáraðila á réttindum og skyldum sínum og barna þeirra.
- Auka sýnileika og nánd foreldra og forsjáraðila sem veiti yfirvöldum, skólastjórnendum, kennurum og nemendum stuðning í skólastarfinu.
- Vera samráðs- og samstarfsvettvangur foreldra og forsjáraðila.
- Treysta samstarf foreldra og forsjáraðila, starfsfólks skólans og nemendasambands Tækniskólans (NST).
- Hvetja til aukins stuðnings og hvatningar foreldra og forsjáraðila við börn sín og nám þeirra.
- Vera bakhjarl skólans og auka áhrif foreldra og forsjáraðila sem hagsmunahóps í þágu bættrar stöðu og hag skólans.
- Standa vörð um réttindi nemenda til menntunar og farsæls þroska.
Aðild að ráðinu
Allir foreldrar og forsjáraðila nemenda Tækniskólans eiga rétt á aðild að foreldraráði. Ráðið tilnefnir einn áheyrnarfulltrúa í skólanefnd.
Í stjórn foreldraráðs Tækniskólans skólaárið 2024-2025 eru:
- Berglind Reynisdóttir
- Guðrún Þorgerður Ágústsdóttir
- Hlédís Þorbjörnsdóttir (áheyrnarfulltrúi foreldra í skólanefnd)
- Joanna Marcinkowska
- Sigurður Grétar Sigmarsson
Upplýsingamiðlun og samskipti
Foreldraráð miðlar upplýsingum til foreldra og forsjáraðila í gegnum Facebook-síðu ráðsins. Foreldrar sem vilja taka þátt í störfum ráðsins geta haft samband við stjórnina í gegnum síðuna eða sent póst til Lilju Guðnýjar, gæðastjóra Tækniskólans, sem sér um að koma á tengslum við stjórnina.