Fjölbreyttar vorsýningar Tækniskólans
Maímánuður er tími uppskeru í Tækniskólanum þegar nemendur kynna afrakstur verkefna vetrarins. Á næstu vikum verða haldnar fjölmargar sýningar þar sem gestir fá einstakt tækifæri til að skoða fjölbreytt verkefni og kynnast náminu.
Hér fyrir neðan má sjá helstu viðburði sem framundan eru:
Útskriftarsýning ljósmyndanema
Útskriftarsýning ljósmyndanema verður haldin þriðjudaginn 12. maí að Vatnsholti 39 frá klukkan 13:00 – 19:00. Léttar veitingar í boði.
Miðvikudaginn 13. maí verður jafnframt opið hús hjá ljósmyndanemum.
Útskriftarsýning grafískrar miðlunar
Opið hús og útskriftarsýning nemenda í grafískri miðlun, prentun og bókbandi fer fram þriðjudaginn 12. maí klukkan 14:00 – 19:00 að Vatnsholti 39.
Til sýnis verða lokaverkefni nemenda ásamt öðrum verkefnum sem unnin hafa verið í náminu.
Vorsýning Hönnunar – og nýsköpunarbrautar
Vorsýning Hönnunar- og nýsköpunarbrautar verður opnuð miðvikudaginn 13. maí kl. 15:00 – 18:00 á 4. hæð Tækniskólans í Skólavörðuholti. Sýningin er einnig opin föstudaginn 15. maí kl. 12:00 – 18:00 og laugardaginn 16. maí 14:00 – 18:00.
Á sýningunni má sjá fjölbreyttan afrakstur vetrarins úr áföngum á borð við aðferðafræði, teikningu, módelteikningu, líkanagerð, hönnunarsögu, hönnun, verkstæðisvinnu og nýsköpun.
útskriftarsýning nema í kjólasaum og klæðskurði
Útskriftarsýning klæðskera- og kjólasveina úr Tækniskólanum árið 2026 verður haldin í Tækniskólanum Háteigsvegi í hátíðarsal á annarri hæð þann 15. maí. Opið hús á milli 16:00 – 18:00 þar sem hægt verður að skoða afrakstur námsins hjá útskriftarnemendum. Boðið verður upp á létta drykki og veitingar.
Kynning á lokaverkefnum vélfræðinga
Kynning á lokaverkefnum vélfræðinga verður haldin laugardaginn 16. maí kl. 13 í Hátíðarsal Tækniskólans við Háteigsveg.
Útskriftarsýning húsa-og húsgagnasmíðar
Húsgagna- og húsasmíðasýning útskriftarnema við Tækniskólann verður haldin dagana 19. og 20. maí í trésmíðadeild skólans á Skólavörðuholti.
Á sýningunni gefst gestum kostur á að skoða lokaverkefni útskriftarnema ásamt fjölbreyttum verkefnum.
Sýningin er opin frá kl. 11:00 til 18:00 báða dagana.
Uppskeruhátíð/útskrift stafrænnar hönnunar
Uppskeruhátíð/útskrift nemenda í stafrænni hönnun fer fram fimmtudaginn 28. maí klukkan 14:00 í Laugarásbíó þar sem valin verkefni nemenda verða sýnd á bíótjaldinu.
Við hvetjum áhugasama til að nýta tækifærið og kynna sér metnaðarfull og skapandi verkefni nemenda skólans.