Þriðjudaginn 26. apríl opnar fyrir kosningar til stjórnar NST og skólafélaga Tækniskólans 2022 og lýkur kosningunni föstudaginn 29. apríl.

 

Þrjú skólafélög

Skólafélög Tækniskólans eru þrjú:

• Skólafélag nemenda á Skólavörðuholti
• Skólafélag nemenda í Hafnarfirði
• Skólafélag nemenda á Háteigsvegi

 

Hlutverk skólafélaga

Hlutverk skólafélaganna er að halda úti virku félagslífi fyrir nemendur í sínum húsum og gæta hagsmuna nemenda á hverjum stað.

Í stjórn hvers félags sitja 5 einstaklingar. Formaður hvers félags situr í miðstjórn NST.

 

Hlutverk Nemendasambandsins

NST eru regnhlífarsamtök fyrir skólafélög sem og nemendafélög Tækniskólans. Tilgangur sambandsins er að veita fjármagn og aðstoð til skóla- og nemendafélaganna til þess að halda uppi virku félagslífi.

Markmið nemendasambandsins eru:

• Að vernda hagsmuni nemenda í Tækniskólanum.
• Að starfrækja öflugt félagslíf fyrir félagsmenn NST.
• Að þjónusta Tækniskólann með sjálfbært félagslíf, styðja við uppbyggingu þess og veita þeim jafnframt aðhald.

Miðstjórn NST er skipuð 7 einstaklingum:

• Formanni
• Varaformanni
• Ritara
• Fulltrúa nemenda á Háteigsvegi (formaður skólafélagsins nemenda á Háteigsvegi)
• Fulltrúa nemenda í Hafnarfirði (formaður skólafélags nemenda í Hafnarfirði)
• Fulltrúa nemenda á Skólavörðuholti (formaður skólafélags nemenda á Skólavörðuholti)
• Fulltrúa nýnema (sem er kjörinn á haustönn)

 

Um hvað er kosið?

Í sum embætti eða stjórnir skila sér ekki alltaf nægilega mörg framboð til þess að kjósa þurfi um stöður og er því sjálfkjörið í þau embætti.

Í ár er kosið milli 5 frambjóðenda í embætti formanns NST ásamt því að kosið er milli 6 frambjóðenda í stjórn skólafélags nemenda á Skólavörðuholti.

Á kosningavef NST er hægt að kynna sér frambjóðendur betur. Kjörseðlar verða svo sendir út í gegnum innu þriðjudaginn 26. apríl og verða opnir til hádegis föstudaginn 29. apríl.