Búnaður frá Ofar styrkir ljósmyndakennslu við skólann

Sérsvið ljósmyndunar hjá Tækniskólanum hefur fengið frábæra viðbót við tækjakost skólans. Verslunin Ofar afhenti Upplýsingatækniskólanum glæsilegar Sony-vélar og linsur, sem munu nýtast við kennslu í ljósmyndun.

Við þökkum Ofar og Sony á Íslandi kærlega fyrir. Þessi viðbót við búnað skólans mun efla námið enn frekar og gefa nemendum tækifæri til að vinna með fyrsta flokks tæknibúnað á heimsmælikvarða.

Á meðfylgjandi mynd má sjá þau Kristínu Þóru Kristjánsdóttur, skólastjóra Upplýsingatækniskólans, Brynjar Gunnarsson og Sigrúnu Sæmundsdóttur, kennara í ljósmyndun, ásamt Eyjólfi Jóhannssyni, vörustjóra Sony á Íslandi – en afhendingin fór fram í verslun Ofar við Borgartún.

Búnaðurinn sem við fengum:

• Sony A7IV  myndavél

• Sony A7RV myndavél

• Sony 24–70mm f/2.8 linsa

• Sony 35mm f/1.4 linsa

• Sony 50mm f/1.4 linsa

• Sony 90mm f/2.8 Macro linsa

Við hlökkum til að sjá nemendur nýta þennan öfluga búnað í skapandi og metnaðarfullum verkefnum á komandi misserum.