Stærðfræðikeppni framhaldsskólanna
Fundur laugardag 1. feb. kl. 12:30 í S405
Kynningarfundur verður haldin fyrir alla nemendur skólans laugardaginn 1. febrúar kl. 12:30 í stofu 405 Skólavörðuholti.
Þetta er tækifæri og ef þú tekur þátt þá færðu eina framhaldsskólaeiningu fyrir og leiðin getur legið alla leið á Ólympíuleika í stærðfræði.
Forkeppni stærðfræðikeppni framhaldsskólanema fer fram á hverju hausti og er opin öllum framhaldsskólanemum. Nemendur keppa á tveimur stigum og fá verðlaun og viðurkenningar. Efstu nemendum á hvoru stigi er boðin þátttaka í úrslitakeppni sem fram fer í byrjun mars.
Til hvers er að vinna?
Fyrir utan viðurkenningar og verðlaun fyrir efstu sætin í keppnunum, þá er árangur keppenda hafður til hliðsjónar þegar valdir eru keppendur í Eystrasaltskeppnina í stærðfræði, Norrænu stærðfræðikeppnina og á Ólympíuleikana í stærðfræði, en allar þessar keppnir eru haldnar á hverju ári.