12. nóvember 2021
Stjórnendastörf við Tækniskólann
Tækniskólinn leitar að öflugum leiðtogum í störf skólastjóra Skipstjórnarskólans og Véltækniskólans og mannauðsstjóra Tækniskólans. Við leitum að metnaðarfullum einstaklingum með góða menntun og víðtæka reynslu sem brenna fyrir velferð nemenda og starfsfólks.
Tækniskólinn er líflegur vinnustaður en þar eru tæplega 300 starfsmenn og rúmlega 3.000 nemendur. Starfsánægja mælist há hjá skólanum og mikil áhersla lögð á góðan starfsanda, velferð nemenda og starfsmanna og að hver og einn fái sinna hæfileika notið.
Nánari upplýsingar um störfin má finna á vefsíðu skólans og á alfred.is.