Þrjár tilnefningar til íslensku vefverðlaunanna tengdar Tækniskólanum
Þrjár tilnefningar til íslensku vefverðlaunanna í hús hjá Tækniskólanum og nemendum Vefskólans.
Starfsmenn og nemendur skólans eru stoltir af tilnefningunum.
Íslensku vefverðlaunin eru uppskeruhátíð vefiðnaðarins, haldin með það að markmiði að efla hann, verðlauna bestu vefina og hvetja þá sem starfa á þessum vettvangi til dáða.
Fyrirtækjavefur ársins (Stærri fyrirtæki) – tskoli.is
Samfélagsverkefni ársins – www.finnduleid.is (Útskriftarverkefni nemenda)
Gæluverkefni ársins – www.thorkelsdottir.com (Vefur eftir nemendur Vefskólans)
Til hamingju allir sem komið hafa að þessum verkefnum!
Fyrirtækjavefur ársins
Vefur Tækniskólans – tskoli.is er unninn í umsjón vefstofunnar Kosmos og Kaos. Hönnunar- og hugmyndavinna var unnin í samstarfi við Birnu og Jóhönnu Þorkelsdætur sem voru nemendur Vefskólans og fleiri nemendur frá skólanum komu að vinnunni í upphafi og í samstarfi við vefstofuna og starfsmenn skólans. Árið 2016 hófst markviss vinna við verkið og stýrirhópur var stofnaður innan skólans sem skipaður var Ásgerði Sveinsdóttur, Ingibjörgu Rögnvaldsdóttur, Jónatan Arnari Örlygssyni og Ólafi Sveini Jóhannessyni. Sigurjón Ólafsson hjá Funksjón vefráðgjöf vann með stýrihópnum að undirbúningsvinnu.
Vefir eftir nemendur Vefskólans
Tilnefndur er www.finnduleid.is í flokknum Samfélagsverkefni ársins sem var útskriftarverkefni í Vefskólanum en námið þar er eina námið hér á landi sem sameinar kennslu í vefhönnun, viðmóti og vefforritun. Vefskólinn tengist einnig vef í flokknum Gæluverkefni ársins www.thorkelsdottir.com, en systurnar, sem komu að hugmyndavinnu við vef Tækniskólans, unnu þennan vef og hafa báðar verið nemendur Vefskólans.
Framtíð í stafrænu umhverfi
Tilnefningar sem þessar hvetja starfsmenn, kennara og nemendur Tækniskólans til dáða og til að halda sig í flokki þeirra bestu í hönnun og sköpun í vefiðnaðinum.
Við erum stolt og afar þakklát fyrir þessar tilnefningar.