Upplýsingar vegna útskriftar
Útskrift Tækniskólans
Útskrift Tækniskólans á haustönn fer fram í Eldborgarsal Hörpu, miðvikudaginn 18. desember. Athöfnin hefst stundvíslega kl. 13:00 og nemendur eru beðnir um að mæta klukkustund áður en athöfn hefst, nánar tiltekið klukkan 12:00 í Eldborgarsal.
Útskriftarnemendum er úthlutað sæti við athöfnina og hver skóli útskrifar eina námsbraut í einu. Frjálst sætaval er fyrir gesti, en hver og einn nemandi, hefur leyfi til að bjóða fjórum gestum með á athöfnina.
Hér eru nokkur praktísk atriði sem nemendur þurfa að vita:
- Nemendur mæta klukkan 12:00 í Eldborgarsal Hörpu
- Öðrum gestum er hleypt inn í salinn 20 mínútum fyrir athöfn
- Hámarksfjöldi gesta pr. nemanda eru fjórir
- Lengd athafnar eru rúmlega 2 klst.
- Snyrtilegur klæðnaður er skilyrði
Ath. Ef nemandi er að útskrifast af tveimur námsbrautum – t.d. sem stúdent og klæðskeri – þá fær viðkomandi nemandi bæði burtfararskírteini í einu við útskrift.
Hér má sjá beint streymi frá viðburðinum.
Upplýsingafundur
Hér má sjá upptöku af upplýsingafundi sem haldin var fyrir útskriftarnemendur þann 5. desember.
Við hvetjum þá útskriftarnemendur sem misstu af fundinum til þess að horfa á upptökuna.