Útskrift Tækniskólans
Útskrift Tækniskólans á vorönn 2022 fer fram í Eldborgarsal Hörpu, sunnudaginn 22. maí. Athöfnin hefst stundvíslega kl. 13:00, en nemendur eru beðnir um að mæta klukkustund áður en athöfn hefst, nánar tiltekið klukkan 12:00.
Útskriftarnemendum er úthlutað sæti við athöfnina og hver skóli útskrifar eina námsbraut í einu. Frjálst sætaval er fyrir gesti, en hver og einn nemandi, hefur leyfi til að bjóða fjórum gestum með á athöfnina.
Gera má ráð fyrir að athöfnin taki u.þ.b. 2 klst.
Mikilvægt er að nemendur mæti stundvíslega – klukkan 12:00 – svo mögulegt sé að fara yfir skipulag athafnar áður en gestir taka sæti inn í sal. Vakin er athygli á að snyrtilegur klæðnaður er skilyrði.
Ath. Ef nemandi er að útskrifast af tveimur námsbrautum – t.d. sem stúdent og klæðskeri – þá fær viðkomandi nemandi bæði burtfararskírteini í einu við útskrift.