Aukin öryggisvitund

Stefna Tækni­skólans er að tryggja öllum nem­endum og starfs­mönnum skólans öruggt og heilsu­sam­legt vinnu­um­hverfi.

Markmið Tækni­skólans er að vera slysa­laus vinnustaður, að enginn nem­andi eða starfsmaður bíði heilsutjón í námi eða starfi sínu hjá skól­anum og að stuðla að auk­inni öryggis­vitund sem nem­endur taki með sér út í atvinnu­lífið að loknu námi. Stefn­unni er meðal annars fylgt eftir með mark­vissum atvika­skrán­ingum og ábend­ingum um slys, næstum slys, hættu­legt verklag, umhverf­is­slys eða óhöpp og vinnu­um­hverfi sem miða að því að læra af og fyr­ir­byggja end­ur­tekn­ingu.

Tækni­skólinn heldur utan um og skráir öll atvik; slys, óhöpp og næstum slys sem verða í skól­anum, á sam­komum eða í ferðum á hans vegum og hér skráir þú atvik sem hefur átt sér stað í skól­anum, en einnig atvik þar sem lá við slysi en varð ekki af (næstum slys).

Skrán­ingin er fram­kvæmd eftir að atvik hefur átt sér stað, en viðbrögð við slysum eða óhöppum fer fram sam­kvæmt viðbragðsáætlun skólans.