Kafli 4 – Skólanámskrá
Tækniskólinn hefur sett sér gildi sem höfð eru að leiðarljósi í öllu starfi og rekstri skólans. Mikilvægt er að starf innan skólans sé á grundvelli þessara gilda og að sífellt sé leitast við að mæta þeim kröfum sem samtíminn gerir til skólastarfs. Samhliða er horft til framtíðar og rýnt í þróun kennslu og starfshátta. Gildi skólans eru alúð, framsækni og fjölbreytileiki. Sjá nánar STS-0056
Lýðheilsa nær til líkamlegrar, andlegrar og félagslegrar velferðar einstaklinga og samfélags og felur í sér bæði heilsuvernd og forvarnir. Lýðheilsustefna Tækniskólans byggir á grunngildum skólans: alúð, framsækni og fjölbreytileika sem eru höfð að leiðarljósi í öllu starfi skólans. Stefnan tekur mið af hlutverki skólans sem felst í því að búa nemendur undir þátttöku í lýðræðissamfélagi, atvinnulífi og frekara námi með víðsýni, ábyrgðarkennd og sjálfstraust að leiðarljósi. Sjá nánar STS-0047
Stefna Tækniskólans er að allir starfsmenn njóti jafnra launa og sömu kjara fyrir sömu eða jafn verðmæt störf. Sjá nánar STS-0049
Markmið áætlunarinnar er að gæta þess að nemendum og starfsfólki skólans sé ekki mismunað eftir uppruna, þjóðerni, litarhætti, kynferði, kynhneigð, fötlun, fjárhag, tungu, trúarbrögðum og stjórnmálaskoðunum. Stefna skólans er að vinna að jafnræði og jafnrétti allra minnihlutahópa þannig að þeir hafi sem jöfnust tækifæri. Markmiðið er að stuðla að jafnrétti kynjanna í skólanum, jöfnum tækifærum, áhrifum og virðingu karla, kvenna og fólks með hlutlausa skráningu kyns í þjóðskrá bæði meðal starfsfólks og nemenda. Grunngildi Tækniskólans eru alúð, framsækni og fjölbreytileiki. Gildin skulu endurspeglast í öllu starfi skólans og samskiptum fólks í milli. Sjá nánar STS-0050
Tækniskólinn leggur áherslu á að tryggja að öll meðferð persónuupplýsinga sé í samræmi við ákvæði laga um persónuvernd og meðferð persónuupplýsinga. Markmið persónuverndar-stefnunnar er að auðvelda einstaklingum að átta sig á hvaða upplýsingum skólinn safnar, hvers vegna og hvað er gert við þær. Eins er því lýst hver er réttur nemenda og starfsfólks varðandi persónuupplýsingar og hvert er hægt að leita eftir upplýsingum eða ef fólki þykir á sér brotið. Sjá nánar STS-0052
Mannauður Tækniskólans er verðmætur og til þess að ofangreint sé mögulegt þarf að hlúa að starfsmönnum og gera þá sem best færa til að sinna hlutverki sínu. Tækniskólinn setur sér mannauðssstefnu til að geta betur stutt starfsfólk sitt til góðra verka sem skila árangri fyrir það, skólann og nemendur.
Stefna Tækniskólans er að einelti, kynferðisleg áreitni og ofbeldi, kynbundin áreitni, ofbeldi og ótilhlýðileg háttsemi (hér eftir kallað EKKO) í hvaða mynd sem er, sé ekki liðið. Leita skal allra ráða til að fyrirbyggja slíkt og leysa þau mál sem upp koma á sem farsælastan hátt. Í skólanum skal lögð áhersla á að efla vitund starfsfólks og nemenda um mikilvægi jákvæðra samskipta og gera þau einkennandi í skólasamfélaginu, s.s. með fjölþættri fræðslu til starfsfólks og nemenda.
Viðbrögð við EKKO eru nánar skilgreind í eftirfarandi verklagsreglum:
Tækniskólinn býður nemendum sínum upp á fyrsta flokks menntun sem nýtist þeim í atvinnulífinu, jafnt og til framhaldsnáms í fagskólum og háskólum, bæði innanlands og utan. Evrópa er að stórum hluta orðið eitt atvinnusvæði og ungt fólk sem er að ljúka námi vill eiga möguleika á að starfa og búa víðs vegar um heiminn, öðlast fjölþætta reynslu, læra nýja siði og venjur sem síðan auðga samfélag þeirra. Sjá nánar STS-0054
Stefna Tækniskólans er að skjalavarsla og skjalastjórn sé í samræmi við þau lög, reglur og staðla sem mynda starfsumhverfi skólans. Lögð er áhersla á vönduð vinnubrögð við móttöku skjala, skráningu þeirra, miðlun upplýsinga, vinnslu mála og frágang til að tryggja áreiðanleika, vandaða málsmeðferð, rekjanleika ákvarðana, öryggi gagna, persónuvernd, varðveislu og endurheimt. Sjá nánar VKL-0207 Stýring skjala í gæðahandbók og VKL-0211 Upplýsinga og skjalastjórn
Umhverfisstefna Tækniskólans,er yfirlýsing um framtíðarskipan umhverfismála skólans. Sjá nánar STS-0057
Vefstefnu Tækniskólans er ætlað að vera leiðbeinandi fyrir vef- og samfélagsmiðla Tækniskólans. Vefstefnan á við um alla miðla sem skólinn tengist og fylgja þarf verkreglum í vefhandbók varðandi notkun á miðlum hans. Sjá nánar STS-0059
Stefna Tækniskólans er að tryggja öllum nemendum og starfsmönnum skólans öruggt og heilsusamlegt vinnuumhverfi. Markmið Tækniskólans er að vera slysalaus vinnustaður, að enginn nemandi eða starfsmaður bíði heilsutjón í námi eða starfi sínu hjá skólanum og að stuðla að aukinni öryggisvitund sem nemendur taki með sér út í atvinnulífið að loknu námi. Sjá nánar STS-0060
Tilgangur með upplýsingaöryggisstefnu Tækniskólans er að tryggja öryggi persónuupplýsinga skólans eins og skylt er samkvæmt lögum og reglugerðum um persónuvernd og vinnslu persónuupplýsinga (90/2018) sem og að vernda aðrar upplýsingaeignir hans og tryggja samfellu í starfsemi skólans. Öryggisstefnan er í fullu samræmi við reglur Persónuverndar nr. 299/2001 um öryggi persónuupplýsinga. Sjá nánar STS-0058
Uppfært 17. október 2025
Áfangastjórn