Innsýn í námið
Sköpun, hugmyndavinna, hönnun, tækni
Upplýsingatækniskólinn býður upp á vinsælar stúdentsleiðir:
- Tölvubraut
- Tölvubraut – hönnun
Auk þess býður skólinn upp á skapandi nám í eftirtöldum iðngreinum:
- Bókband
- Grafísk miðlun
- Ljósmyndun
- Prentun
Við lok náms hefur nemandi lokið undirbúningi fyrir námssamning í iðngreininni. Námstíminn er 2-3 ár eftir því hvaða iðngrein er valin. Mögulegt er að taka almenna áfanga til stúdentsprófs samhliða náminu.
Áður en nemendur hefja nám í bókbandi, grafískri miðlun, ljósmyndum eða prentun þurfa þeir að klára grunnnám upplýsinga- og fjölmiðlagreina sem veitir nemendum almenna þekkingu og innsýn í grundvallaratriði sérsviðanna fjögurra.
Námsbrautir
Umsagnir
Axel Fannar Friðriksson útskrifaðist haustið 2014 og vinnur á auglýsingastofu í London
„Eftir þetta nám við Upplýsingatækniskólann, margfaldaðist reynslan mín og vitneskja þannig ég leyfði mér að trúa að ég gæti unnið við það sem mér finnst skemmtilegt. Yndislegir kennarar, skemmtilegur nemendahópur og fjölbreytt verkefni gerðu mig mjög tilbúinn að takast á við áskoranir og verkefni í faginu. Eins græddi ég fullt af tengingum og sambönd sem ég held upp á enn í dag.“
Fór í grunnnám upplýsinga- og fjölmiðlagreina og síðan ljósmyndun.
María lærði ljósmyndun að loknu grunnnámi og er mjög ánægð með grunnnám upplýsinga- og fjölmiðagreina. „Það er góður grunnur fyrir allt nám og þá sérstaklega ljósmyndun þar sem ég er að fá sérhæfingu á mínu áhugasviði.“
Hugrún Rúnarsdóttir fór í Vefskólann og stofnaði fyrirtæki með vinkonu sinni sem sérhæfir sig í vefhönnun og forritun
„Námið í grafískri miðlun var frábært og því að þakka að ég kynntist forritun og vefsíðugerð. Hönnun, letur, myndvinnsla, textavinna, grunnur í HTML og CSS og margt fleira er allt sem ég nota daglega og kemur frá grafískri miðlun. Þessi tvö nám tvinna rosalega vel saman og ég hefði aldrei viljað sleppa því að fara í grafíska miðlun þrátt fyrir að ég einbeiti mér núna meira af vefnum en ekki prenti.“
- Allt frá hönnun á prentmiðlum í gerð myndbanda
- Upplýsingatækni er grunnurinn
- Stofnaði fyrirtæki í vefhönnun og forritun
Námssamningur
- Vinnustaðanám
Ný reglugerð um vinnustaðanám tók gildi 1. ágúst 2021. Vinnustaðanám er hluti af námsskipulagi þeirra nemenda sem hófu nám á haustönn 2021. Frá þeim tíma sjá framhaldsskólar um gerð og staðfestingu vinnustaðanámssamninga og hafa eftirlit með þeim. Nemendur sem hefja vinnustaðanám eftir gildistöku reglugerðarinnar vinna samkvæmt ferilbók sem gefin er út af Menntamálstofnun.
Nemendur Tækniskólans sem hófu nám fyrir gildistöku reglugerðarinnar 1. ágúst 2021 og óska eftir að fara hefja vinnustaðanám sækja um á innritunarvef Upplýsingatækniskólans.
Velkomin
Velkomin í Upplýsingatækniskólann
Nám til framtíðar
- Kveðja frá skólastjóra
Upplýsingatækniskólinn hugsar fram á veginn og námið í skólanum tekur mið af nýjum tímum og nýrri tækni hverju sinni og allar námsgreinar okkar eiga það sameiginlegt að nemendur vinna að raunverulegum úrlausnarefnum í náminu.
Skólinn vill að nemendur séu tilbúnir til þess að takast á við nýjar áskoranir í námi og séu vel undirbúnir fyrir framtíðina.
Vertu velkomin(n) í nám við Upplýsingatækniskólann því það er mikil þörf fyrir tæknimenntaða einstaklinga í þjóðfélaginu.
Kristín Þóra Kristjánsdóttir
- Skólastjóri Upplýsingatækniskólans
- ktk@tskoli.is
- s. 514 9351
FAQ
Spurt og svarað
Er hægt að taka stúdentspróf'?
Samhliða námi á brautum Upplýsingatækniskólans eða eftir að þeim er lokið, geta nemendur bætt við sig einingum til stúdentsprófs. Gera má ráð fyrir að þá lengist námið um eina til tvær annir.
Hvernig sæki ég um nám?
Innritun í Upplýsingatækniskólann fer fram í gegnum innritunarvef Innu (hnappur hér á síðunni).
Athuga þarf að mismundandi inntökuskilyrði eru á brautir Upplýsingatækniskólans. Sjá nánar um það á hverri braut.
Hvað kostar námið?
Hvað er nám á sérsviði langt fyrir þau sem lokið hafa stúdentsprófi?
Taka þarf 11 fagáfanga í grunnnámi upplýsinga- og fjölmiðlagreina áður en sérsvið er valið.
Yfirleitt eru fagáfangar teknir á tveimur önnum og sérsviðið er líka tvær annir, samtals tveggja ára nám.
Hvernig kemst ég á námssamning?
Hér má sjá upplýsingar um vinnustaðanám og ferilbók.