fbpx
en
Menu
en

Alþjóðlegt samstarf

Nemendur og kennarar í Tækniskólanum geta fengið styrk til að fara til annarra landa til að taka þátt í verkefnum og námskeiðum tengdum fagi þeirra. Einnig er hægt að fá styrk fyrir starfsþjálfun í framhaldi af námi í Tækniskólanum.

Ávinningur erlendra samskipta af þessu tagi er mikill og gefur nemendum skilning á fagi sínu í alþjóðlegu samhengi auk reynslu af því að búa og starfa á erlendri grund.

Samstarfið

Taka hluta af náminu í útlöndum

Á hverju ári sendir Tækniskólinn nemendur og kennara til annarra landa til að taka þátt í verkefnum og námskeiðum eða í starfsþjálfun tengda námi þeirra í Tækniskólanum.

Ávinningur erlendra samskipta er m.a. að nemendur öðlast skilning í faginu á alþjóðlegum grunni og betri sýn á þau tækifæri sem bjóðast í tengslum við það. Ekki má heldur vanmeta reynsluna af því að búa og starfa á erlendri grund.

Hver nemandi getur verið úti í 2 – 16 vikur eftir tilhögun og samkomulagi.

Ég vil vita meira um samstarfið

Verkefni

Ferðir og heimsóknir nemenda

Fjölmargir nemendur Tækniskólans hafa tekið þátt í alþjóðlegu samstarfi og hlotið af því góða náms- og starfsreynslu.

Nánar um alþjóðleg verkefni nemenda

Umsóknarferli

Ingibjörg Rögnvaldsdóttir, deildarstjóri upplýsinga- og alþjóðadeildar sér um alþjóðamál. Hún aðstoðar nemendur, kennara og aðra starfsmenn við að finna skóla og námskeið erlendis og að sækja um styrk fyrir þeim.

Ingibjörg svarar einnig spurningum um starfsnám erlendis og umsóknarferlið til að fá styrk fyrir slíku námi.

Ég hef áhuga á að sækja um styrk

Stefna og markmið

Tækniskólinn býður nemendum sínum upp á fyrsta flokks menntun sem nýtist þeim hvort sem þeir hyggjast halda beint úr í atvinnulífið eða til framhaldsnáms í fagskólum og háskólum, bæði innanlands og utan. Evrópa er að stórum hluta orðið eitt atvinnusvæði og ungt fólk sem er að ljúka námi vill eiga möguleika á að starfa og búa víðs vegar um heiminn, öðlast fjölþætta reynslu, læra nýja siði og venjur sem síðan auðga samfélag þeirra.

Tækniskólinn vill veita nemendum sínum möguleika á að kynnast straumum og stefnum erlendis.

Um alþjóðastefnuna

Vottun

Tækniskólinn er með VET Mobility Charter vottun

Vottun á góð náms- og þjálfunarverkefni.

Með útgáfu vottunarinnar viðurkennir Landskrifstofa hæfni Tækniskólans til að skipuleggja og framkvæma góð náms- og þjálfunarverkefni en gerð er krafa um mikil gæði verkefna þeirra aðila sem fá vottun.

Einnig er mikilvægt að stofnunin framfylgi stefnumótun um alþjóðasamstarf en Tækniskólinn hefur birt alþjóðastefnu sína.

Var efnið á síðunni hjálplegt?
Frábært það eru góðar fréttir!