16. nóvember 2022
Dagur íslenskrar tungu
Dagur íslenskrar tungu er haldinn hátíðlegur þann 16. nóvember ár hvert á fæðingardegi Jónasar Hallgrímssonar.
Markmið dagsins er að minna á mikilvægi íslenskrar tungu og fagna sögu hennar, auk þess sem veitt eru verðlaun og viðurkenningar fyrir störf í þágu íslenskrar tungu.
Í tilefni dagsins las Tetiana Balika, nemandi á íslenskubraut, upp ljóðið Einbúinn eftir Jónas Hallgrímsson. Tetiana hefur búið á Íslandi síðan í mars á þessu ári, en hún fluttist til landsins frá Úkraínu.
Við þökkum henni fyrir lesturinn.