Á degi íslenskrar tungu koma tveir af starfsmönnum Tækniskólans og lesa úr nýútkomnum bókum sínum.

Dagurinn er haldinn hátíðlegur þann 16. nóvember ár hvert á fæðingardegi Jónasar Hallgrímssonar. Markmið dagsins er að minna á mikilvægi íslenskrar tungu og fagna sögu hennar, auk þess sem veitt eru verðlaun og viðurkenningar fyrir störf í þágu íslenskrar tungu.

Í Tækniskólanum hefur dagurinn verið haldinn hátíðlegur með því að bjóða upp á upplestur á bókasafni skólans og í ár eru það skáldin okkar þau Margrét Lóa og Ólafur Sveinn sem koma og lesa upp úr nýlegum ljóðabókum sínum.

Að þessu sinni verður lesið í Framtíðarstofunni á Skólavörðuholti kl. 10:35, á bókasafninu í Hafnarfirði kl. 13:10 og á bókasafninu á Háteigsvegi kl. 14:15.

Allir velkomnir!