Fyrsta umferð Gettu betur, spurningakeppni framhaldsskólanna, stendur yfir dagana 8. , 9. og 13. janúar.

Lið Tækniskólans skipa þau Óðinn Logi, Lóa Margrét og Magni Kristinsson. Varamaður er Otri Reyr Franklínsson. Þjálf­arar eru Auður Aþena Einarsdóttir og Íris Erna Eysteinsdóttir. Fyrstu keppinautar Tækniskólans er lið Verzlunarskóla Íslands og má fylgjast með viðureigninni á vefsíðu RÚV.

Tækniskólinn mætir Verzlunarskólanum miðvikudaginn 8. janúar kl. 18:00 og þeir nemendur sem vilja styðja við liðið á keppnisstað, í útvarpshúsinu við Efstaleiti, geta skráð sig hér.

Dómarar og spurningahöfundar í ár eru þau Helga Margrét Höskuldsdóttir, Sigurlaugur Ingólfsson og Vilhjálmur B. Bragason. Spyrill er Kristinn Óli Haraldsson, betur þekktur sem Króli.

Áfram Tækni­skólinn!