Dagur gegn einelti er haldinn árlega þann 8. nóvember. Markmið dagsins eru m.a. að efna til umræðu og viðburða til að efla vináttu, hvetja til jákvæðra samskipta og vinna gegn einelti. Dagur gegn einelti er frábær dagur til þess að minna okkur á að einelti kemur öllum við, börnum jafnt sem fullorðnum.

EKKO stefna Tækniskólans

Að þessu til­efni viljum við vekja athygli á stefnu Tækni­skólans gegn einelti, kynferðislegri áreitni, kyn­bund­inni áreitni, ofbeldi og ann­arri ótilhlýðilegri hátt­semi.

Stefna Tækni­skólans er skýr: Einelti, kynferðisleg áreitni, kynbundin áreitni, ofbeldi og óviðeigandi hegðun er ekki liðin.

Í skól­anum er lögð áhersla á að efla vitund starfs­fólks og nem­enda um mik­il­vægi jákvæðra sam­skipta og gera þau ein­kenn­andi í skóla­sam­fé­laginu. Skólinn leitar allra ráða til að fyr­ir­byggja og leysa þau mál sem upp koma á sem far­sæl­astan hátt.

Við hvetjum nemendur og starfsfólk til þess að standa saman gegn ofbeldi og einelti. Sýnum ALÚÐ og umhyggju í samskiptum.

Þarftu stuðning?

Ef þú verður fyrir einelti, áreitni og/​​eða ofbeldi innan skólans eða á viðburði á vegum skólans skalt þú leita til ein­hverra eft­ir­tal­inna aðila:

• Þú getur tilkynnt málið gegnum tilkynningarhnapp á vefsíðu skólans
• Náms- og starfsráðgjafa
• Sálfræðings skólans
• Annars starfsmanns sem kemur boðum til réttra aðila.

Á upp­lýs­ingasíðu skólans um einelti, áreit og ofbeldi má einnig finna spurn­ingar og svör um einelti, áreiti og ofbeldi ásamt fleiri upp­lýs­ingum.