Innritun nýnema úr grunnskóla í Tækniskólann fyrir komandi skólaár er nú lokið. Enn er verið að vinna úr umsóknum eldri nemenda og verður þeirri vinnu lokið á næstu dögum.

Alls bárust 1.068 umsóknir frá nemendum sem voru að útskrifast úr grunnskóla um nám við skólann. Þar af voru 451 með Tækni­skólann sem fyrsta val, 443 sem annað val og 174 sem þriðja val.

Sam­tals munu 480 nýnemar, sem koma beint úr grunn­skóla, hefja nám á fyrsta námsári í haust. Nem­end­urnir koma úr 67 grunn­skólum víðs vegar af landinu.

Aldrei hafa eins margir nýnemar úr grunn­skóla inn­ritast í Tækni­skólann, sem und­ir­strikar þann mikla áhuga sem er á námi við skólann.

Tækniskólinn býður nýnema velkomna í skólann og við hlökkum til að taka á móti þeim í upphafi haustannar.